MARKO 6:41 - Embimbiliya - Bíblia Sagrada em Umbundu

⁴¹ Eye wa nyañula olombolo viaco vitãlo lolosi viaco vivali, yu oku imba ovaso vilu, wa pandula kuenje wa timbula olombolo, yu wa vi eca kolondonge oku amuila pokati kavo vosi, kuenda olosi vivali wa vi amula.

MARKO 6:41 Iomraidhean Croise

MATEO 14:19

Oco wa sapuila omanu oku tumala kowangu. Oku tambula olombolo viaco vitãlo lolosi vivali wa imba ovaso kilu kuenje wa vi panduila. Noke wa vi timbula loku eca olombolo kolondonge viaye, kuenje olondonge via vi eca komanu.

MATEO 15:36

Noke wa nyañula olombolo viaco epanduvali lolosi, wa imba olopandu kuenje wa vi timbula loku vi eca kolondonge. Olondonge via vi eca komanu.

MATEO 26:26

Osimbu va kala loku lia oco Yesu wa nyañula ombolo, wa yi panduila kuenje wa yi timbula, yu wa yeca kolondonge, kuenje hati, Tambuli, li, ombolo eyi etimba liange.

MARKO 14:22

Osimbu va kala loku lia oco wa nyañula ombolo, wa yi sumuluisa kuenje wa yi timbula, yu wa yi eca kokuavo, kuenje hati, Tambuli, eyi etimba liange.

MARKO 6:40

Oco va tumala kilala viocita ocita, kuenda viakui atãlo atãlo.

MARKO 6:42

Kuenje vosi va lia ve kuta.

MARKO 7:34

Kuenje oku imba ovaso kilu, wa tula omuenyo kuenje hati, Efata, ca lomboloka citi, Situluka.

MARKO 8:19

Cina nda timbuilile olohũlũkãi vitãlo olombolo vitãlo, ovitenge viñami viovimalañanya wa nolipo? Vo kumbulula vati, Ekui la vivali.

LUKA 24:30

Eci a tumala kumue lavo komesa, oco wa nyañula ombolo kuenje wa yi panduila. Eci a yi timbula wa yeca kokuavo.

LUKA 9:16

Kuenje wa nyañula olombolo vitãlo lolosi vivali, oku imba ovaso vilu wa vi sumũlũisa, oku vi timbula wa vi eca kolondonge oku vi amuila owiñi.

YOANO 11:41

Oco vopako ewe, kuenje Yesu, oku petula ovaso aye, wa linga hati, A Tate, hu pandula omo wa njeva.

YOANO 17:1

Eci Yesu a popia ovina evi, wa petuila ovaso aye vilu, yu wa linga hati, A Tate, ekumbi lieya. Muisa Omõlove ulamba oco Omõla a ku muisevo ulamba.

YOANO 6:11

Oco Yesu wa nyañula olombolo kuenje, eci a vi panduila, wa vi amuila ava va tumala, haico otulosi ndeci va yongola.

YOANO 6:23

Haimo lumue, awato akuavo a tunda ko Tibéria eya ocipepi lusenge muna va lila olombolo, cina Ñala a yi panduila.

OVILINGA 27:35

Eci a popia ondaka eyi wa nyañula ombolo. Eci a yi panduila ku Suku kovaso avo vosi wa yi timbula, yu wa fetika oku lia.

VA ROMA 14:6

U o sumbila eteke limue, o li sumbilila Ñala. Haicovo u o lia, o lila oku kemainya Ñala, momo o pandula Suku. Lu o yuvula ovilia vimue o vi yuvuila Ñala, kuenje o pandula Suku.

I VA KORINDO 10:31

Oco, ndaño wu lia, ndaño wu nyua, cosi wu linga ci lingili ulamba wa Suku.

ESINUMUĨLO 8:10

O liola, o kuta, kuenje o sivayaila Yehova, Suku yove, ofeka yiwa a ku yĩha.

VA KOLOSAI 3:17

Kuenje cosi vu linga, ci kale ondaka yi popiwa, ci kale ovilinga, ci lingili vonduko ya Ñala Yesu. Kovina viosi Ñala Yesu eye a linge Mitakati yene oku imba olopandu ku Suku Isia.

I SAMUELE 9:13

Tuli wiñili vimbo vu u sanga osimbu ka endele handi konumbuko oku ka lia, momo omanu ka va li te eye weya, omo eye o livanga oku panduila ocilumba kuenje, kovaso yaco, oco ava va lalekiwa va lia. Kuendi ño, ndopo vu lisanga laye.