MARKO 5:41 - Embimbiliya - Bíblia Sagrada em Umbundu

⁴¹ Yu, oku kuata omõla peka, wa popia laye hati, Talita kumi, ca lomboloka citi, Ofeko, hu sapuila siti, Pasuka.

MARKO 5:41 Iomraidhean Croise

EFETIKILO 1:3

Suku yu wa linga hati, Ku iye ocinyi kuenje ocinyi ceya.

OLOSAMO 33:9

momo wa popia kuenje ca lingiwa, wa handeleka kuenje ca kola.

MARKO 1:31

Kuenje Yesu weya, yu wo kuata peka, wo yelula, kuenje ombambi yo weca, yu wa va poka.

MARKO 1:41

Kuenje Yesu wo kuatela ohenda, oku alũla eka liaye, wo lamba, wa popia laye hati, Nda ci panga, kaya.

MARKO 5:40

Kuenje vo yola epembe. Puãi eye wa va tundisamo vosi, oco wa enda la isia yomõla la inaco lava va kala laye, kuenje wa iñila omu mu kasi omõla.

MARKO 5:42

Haico ufeko a votoka, kuenje enda, momo wa tẽla ekui lianyamo kanyamo avali. Kuenje va saluka okusaluka kua lua.

VA ROMA 4:17

ndeci ca sonehiwa okuti, Nda ku lingisa isia yolofeka via lua. O linga muẽle isia ya vosi kovaso a Suku, una Avirahama a kolela, eye Suku o muisa omuenyo ava va fa, kuenda o vilikiya komuenyo ovina ka via lulikiwile handi.

VA FILIPOI 3:21

Eye o pongolola etimba lietu liesepu ha li lingi ndetimba liaye liulamba. O ci linga lunene waye una wa wiha olohõlo vioku pokuisila ovina viosi kokuaye.