MARKO 4:15 - Embimbiliya - Bíblia Sagrada em Umbundu

¹⁵ Ava vokohulo yonjila oko ku wayiwa ondaka, tuli va yeva, Satana iya kuenje o nolapo ondaka ya wayiwa vitima viavo.

MARKO 4:15 Iomraidhean Croise

EFETIKILO 19:14

Lote yu wa tunda, wa pañinya olondatembo viaye vialume, ava va si oku kuẽla omãla vaye vakãi, hati, Katuki, mulo tundimo, momo Yehova o nyõla imbo lilo. Puãi kolondatembo viaye ca soka ndesevu.

ISAYA 53:1

Helie wa kolela eci tua yeva? Okuokuo kua Yehova kua lekisua kulie?

SAKARIYA 3:1

Noke wa ndekisa Yehosua, ocitunda cinene, wa talama kovaso yungelo wa Yehova. Satana wa talama kondio yaye oku u pindika.

MATEO 13:19

Nda umue o yeva ondaka yusoma kuenje ka yi yevite, oco eliapu liya ha liu nyeha eci ca kũliwa vutima waye. Eci oco ca wayiwa kohulo yonjila.

MATEO 22:5

Puãi va ci tomba, umue wa enda kepia liaye, ukuavo wa enda kocipindi caye,

MATEO 4:10

Oco Yesu wa popia lalio hati, A Satana, tundapo, momo ca sonehiwa citi, Fendela Yehova Suku yove, eye lika o vumba.

MARKO 4:14

Uwayi o waya ondaka.

MARKO 4:16

Haico ava va wayiwa kocikakala, tuli va yeva, haico va tava lonjolela,

MARKO 4:4

Oco eci a waya, olomema vimue via lokila kohulo yonjila, kuenje olonjila vieya yu via vi lia.

LUKA 8:12

Ava vokohulo yonjila, ovo ava va yeva, noke eliapu liya, li upa ondaka vovitima viavo okuti ka va tava, kuenje ka va popeliwa.

OVILINGA 17:32

Eci va yeva ondaka yepinduko liava va fa, vamue va sewula, vakuavo puãi va popia vati, Ondaka eyi, tuiya, tu ku yi yevelela vali noke.

OVILINGA 5:3

Petulu wa linga hati, A Ananiya, nye Satana e yukisila vutima wove uhembi woku kemba Espiritu Sandu loku soleka onepa yondando yepia?

II VA KORINDO 2:11

Nda ci lingila okuti Satana ka tu yuli, momo ka tu kasi lonumbi yatutu aye.

II VA TESALONIKE 2:9

Etukuluko liukuakutomba ovihandeleko liya lovilinga via Satana, kuenje li kala lunene wosi, lovilimbu, lovikomo viesanda.

VA HEVERU 12:16

Lavululi sanga umue o linga ukuokahonga, pamue ukuetombo ndeci Esau, u wa landisila unuñulu waye oku lia onjanja yimuamue.

VA HEVERU 2:1

Oco, ca tu sesamela oku lunguka loku yevelela lutate ovina tua yeva sanga tu punguka ha tu vi si.

I PETULU 5:8

Lunguki. Lavululi. Unyali wene eliapu o ñuala ñuala ndohosi yi koma oku sandiliya u a lia.

ESITULUILO 12:9

Kuenje ocinyoha caco cinene ca takumuiwa, haico onyoha yosiahũlu, yina ya tukuiwa eliapu, haeye Satana, una endaenda oku kemba oluali luosi, haeye wa imbiwa kilu lieve, lovangelo vaye va imbiwa kumosi laye.

ESITULUILO 20:10

Eliapu lia va kembele lia imbiwa vociva condalu lofuofuo, haimo mu kasi ocinyama caco luprofeto wesanda, kuenje va yambuiwa utanya luteke oloneke vi enda ño-o hũ, ka vi pui.

ESITULUILO 20:7

Eci ohũlũkãi yaco yanyamo yi pita oco Satana a kutuluiwa noke vokayike,