MARKO 2:22 - Embimbiliya - Bíblia Sagrada em Umbundu

²² Kuenje lomue o longela ovinyu viokaliye volonjeke viovipa via kuka, sanga ovinyu vi tuiya olonjeke, kuenje ovinyu vi peseka, lolonjeke vi nyõleha; te oku longela ovinyu viokaliye volonjeke viokaliye.

MARKO 2:22 Iomraidhean Croise

YOVI 32:19

Utima wange wa linga ndovinyu ka vi kuete apa vi fuimĩla. Wa linga ndovipa viovinyu vi yongola oku tuika.

OLOSAMO 119:80

Utima wange u sunguluke lovisila viove, oco si ka kutiwe osõi.

OLOSAMO 119:83

Nda likonya ndocipa covinyu vowisi, haimo lumue si ivalako ovisila viove.

MATEO 9:17

Pamue ovinyu viokaliye ka va vi longela volonjeke viovipa via kuka sanga olonjeke vi tuika, kuenje ovinyu vi peseka lolonjeke vi nyõleha; puãi va longela ovinyu viokaliye volonjeke viovipa viokaliye oco kavali kavio vi tumala osimbu.

MARKO 2:21

Lomue o tongela ocitetele conanga ka ya likonyele kuwalo wa kuka, sanga ombandekua yi nala kuwalo waco, oco kuiya epangu linene.

MARKO 2:23

Kesambata limue wa kala loku pita vovapia, kuenje olondonge, eci via enda, via fetika oku kalula apunga aco.

YEHOSUA 9:13

Ovipa evi viovinyu, tua vi yukisa tupu viokaliye. Puãi tali, via toka toka. Uwalo wetu u lolohaku vietu via pua lungende wa lepa calua.

YEHOSUA 9:4

oco va linga etutu. Va katuka lolohuta. Vambata olonjeke via kuka kovimbulu viavo, lovipa viovinyu via kuka, haivio via toka toka kuenda via kutaiwa.