MARKO 2:19 - Embimbiliya - Bíblia Sagrada em Umbundu

¹⁹ Kuenje Yesu wa va kumbulula hati, Vasandombua hẽ, va tẽla oku likandangiya okulia osimbu sandombua a kasi lavo kumue? Osimbu sandombua a kasi lavo kumue, ka va tẽla oku likandangiya okulia.

MARKO 2:19 Iomraidhean Croise

EFETIKILO 29:22

Lavane wongolola alume vovimbo liaye, kuenje wa lingisa okulia.

OLOSAMO 45:14

Eci vo songuila kosoma o wala uwalo wavala aiñi aiñi. Afeko vakuekuta liaye vo sindikila.

OCISUNGO CA SALOMONE 6:8

Ku li vainakulu akuĩ epandu, lovakama akuĩ ecelãla, kuenda afeko ka va tendiwa.

MATEO 9:15

Yesu wa popia lavo hati, Vasandombua hẽ, va tẽla oku lila osimbu sandombua a kasi kumue lavo? Puãi oloneke viya okuti sandombua o vopiwa oco va likandangiya noke okulia.

MARKO 2:18

Kuenje olondonge via Yoano la va Fariseo va kala loku likandangiya okulia. Oco omanu veya kuenje vo pula vati, Olondonge via Yoano levi via va Fariseo vi likandangayaila nye okulia, olondonge viove puãi ka vi likandangiya okulia?

MARKO 2:20

Ku keya oloneke eci sandombua a vopiwa, oco va likandangiya okulia eteke liaco.