MARKO 2:18 - Embimbiliya - Bíblia Sagrada em Umbundu

¹⁸ Kuenje olondonge via Yoano la va Fariseo va kala loku likandangiya okulia. Oco omanu veya kuenje vo pula vati, Olondonge via Yoano levi via va Fariseo vi likandangayaila nye okulia, olondonge viove puãi ka vi likandangiya okulia?

MARKO 2:18 Iomraidhean Croise

MATEO 23:5

Cosi va linga va ci lingila oku taliwa lomanu. Va vokinyako kolosilo viavo kuenje va luisa olonjenje violonanga viavo.

MATEO 6:16

Eci vu likandangiya okulia ko ka nyumali nda vakuambambe. Momo ovo va vĩhisa ovipala viavo okuti okulikandangiya kuavo okulia ku muiwa lomanu. Mopia lene siti, Ocili va sanga ale onima yavo.

MATEO 6:18

okuti okulikandangiya kuove okulia ka ku muiwa lomanu puãi ku muiwa la So o kasi vuyombeki, kuenje So o lete covuyombeki o ku muisa onima.

MARKO 2:19

Kuenje Yesu wa va kumbulula hati, Vasandombua hẽ, va tẽla oku likandangiya okulia osimbu sandombua a kasi lavo kumue? Osimbu sandombua a kasi lavo kumue, ka va tẽla oku likandangiya okulia.

LUKA 18:12

Ndi likandangaiya okulia luvali kosimanu, ndukuakulumba onepa yekui yovipako viange viosi.

VA ROMA 10:3

Momo, omo ka va kũlĩhile esunga li tunda ku Suku, kuenje va yongola oku liluvikiyila esunga liavo muẽle, oco ka va tavelele kesunga lia Suku.