MARKO 16:15 - Embimbiliya - Bíblia Sagrada em Umbundu

¹⁵ Kuenje wa popia lavo hati, Kuendi kuosi kilu lieve. Kundi ondaka yiwa koviluvo viosi.

MARKO 16:15 Iomraidhean Croise

OLOSAMO 22:27

Asukiyo osi oluali a ivaluka, a pongolokela ku Yehova. Apata osi olofeka a fendela kovaso aye.

OLOSAMO 96:3

Sapuli ulamba waye kolofeka, lovikomo viaye pokati komanu vosi.

OLOSAMO 98:3

Wa ivaluka ocisola caye ka ci pui kuenda ocili caye cokepata lia Isareli. Asukiyo osi oluali a mõla eyulo lia Suku yetu.

ISAYA 45:22

Asukiyo oluali, njimbi ovaso ho popeliwa. Momo ame ndi Suku, ka ku li yikuavo.

ISAYA 49:6

eye wa linga hati, Oku linga ukuenje wange okuti o katula apata a Yakoba loku tiula ocisupe ca Isareli, oco ca leluka. Hu lingisavo ocinyi cavakualofeka oco eyovo liange li kale toke kasulilo ongongo.

ISAYA 52:10

Yehova wa lekisa okuokuo kuaye ku kola ku vakualofeka viosi. Asulilo osi oluali a mõla eyovo lia Suku yetu.

MATEO 28:19

Oco kuendi, ka tavisi olofeka viosi oco va linge olondonge. Va papatisili vonduko ya Tate la Mõla, kuenda Espiritu Sandu.

MARKO 13:10

Puãi ka ci lingiwa te ondaka yiwa yi kundiwila olofeka viosi.

YOANO 15:16

Heneko wa mbali, ame muẽle ndo vali, kuenje ndo tukuili okuti wendi ha wimi epako, lepako liaco li kala. Oco cosi vu pinga ku Isia vonduko yange u ciha.

YOANO 20:21

Yesu wa popia vali lavo hati, Ombembua yi kale lene. Ndeci Isia a numa haico ndu tumi.

OVILINGA 1:2

toke keteke a tambuiwa kilu. Osimbu ka tambuiwile kilu, oku popia ondaka Espiritu o wiha, wosika ovapostolo vaye vana a nola.

OVILINGA 1:8

Puãi, eci Espiritu Sandu o wili, oco vu kuata unene, kuenje vu linga olombangi viange vo Yerusalãi, lo vo Yudea yosi, lo vo Samária, kuenda toke kasulilo okilu lieve.

VA ROMA 10:18

Puãi ndi pula siti, Ka va yevele hẽ? Va yeva muẽle, momo, Esapulo liao lia pitila kolofeka viosi, olondaka viao kesulilo lioluali luosi.

VA ROMA 16:26

yu cilo lia situluka, kuenje, lia sapuiwa lovisonehua viovaprofeto ndocihandeleko ca Suku ka pui kolofeka viosi ha va pokola ketavo, okuti,

VA EFESO 2:17

Oco weya, kuenje wo kundili vosi ondaka yombembua, ndaño ene wa kaili kupãla, ndaño ene wa kaili ocipepi.

VA KOLOSAI 1:23

Okuinalisa kuaco kuiya nda vu pandikisa vekolelo, okuti vu sevetiwa cocili loku pama, kuenje ka vu tundi kelavoko li kasi vondaka yiwa, yina wa yevi, haiyo ya kundiwila omanu vosi voluali. Lamevo ndi Paulu ñasi loku yi kunda kunda.

VA KOLOSAI 1:6

Ondaka yaco ya pitila ko kuene. Oku popia ocili yi kasi loku ima epako loku amamako oku kula voluali luosi. Yi kasi loku imavo epako loku amamakovo pokati kene, tunde keteke wa yevi ocili condaka yocali ca Suku kuenje yo lomboloki.

I YOANO 4:14

Letu tua mola, kuenje tu imba uvangi okuti, Isiaco wa tuma Omõlaye ha lingi Upopeli woluali.

ESITULUILO 14:6

Oco nda mola ungelo ukuavo. Wa kala loku palala vokati kilu. Wambata esapulo liwa liotembo ka yi pui oku sapula komanu va tunga kilu lieve, lo kolofeka viosi, lo kapata osi, lo ku vakualimi aiñi aiñi osi, lo komanu vosi.