MARKO 14:18 - Embimbiliya - Bíblia Sagrada em Umbundu

¹⁸ Osimbu va tumala kuenje va kala loku lia, Yesu wa popia lavo hati, Mopia lene siti, Ocili, umue wene o makula, haeye o kasi loku lia kumue lame.

MARKO 14:18 Iomraidhean Croise

OLOSAMO 41:9

Ndaño ekamba liange nda kolela, haeye wa lia lia ombolo yange, eye muẽle wa njeluila ocisendemai.

MATEO 26:21

Osimbu va kala loku lia eye wa popia hati, Mopia lene siti, Ocili, umue pokati kene o makula.

MATEO 5:18

Ocili, mopia lene siti, Toke ilu longongo vi takata okatosi pamue okotayo kovihandeleko ka ka takata te ovina viosi vi lingiwa.

MATEO 6:16

Eci vu likandangiya okulia ko ka nyumali nda vakuambambe. Momo ovo va vĩhisa ovipala viavo okuti okulikandangiya kuavo okulia ku muiwa lomanu. Mopia lene siti, Ocili va sanga ale onima yavo.

MATEO 6:2

Oco, eci weca oviali kolosuke, ku ka sikile enguena kovaso ove ndeci vakuambambe va lingainga volosunangonga lo valuwa oku sanda oku sivayiwa lomanu. Ocili mopia lene siti, Va sanga ale onima yavo.

MATEO 6:5

Eci vu likutilila, ko ka lingi ndeci vakuambambe va lingainga, momo va sole oku talama volosunangonga lo panyaha aluwa oku sanda oku muiwa lomanu. Mopia lene siti, Ocili va sanga ale onima yavo.

MARKO 10:15

Mopia lene siti, Ocili, u ka tambula usoma wa Suku ndokamõla ka iñilamo.

MARKO 10:29

Yesu wa kumbulula hati, Mopia lene siti, Ocili ka kuli u o sia onjo, pamue vamanjaye, pamue vamukãi vaye, pamue inaye, pamue isiaye, pamue omãla, pamue ovapia, okuti o vi sia mekonda liange kuenda mekonda liondaka yiwa,

MARKO 14:17

Koñolosi weya lekui la vavali.

MARKO 14:19

Va fetika oku sumua, yu vo pula, omunu omunu, vati, Ame?

MARKO 14:25

Mopia lene siti, Ocili si nyui vali kepako liuyuva, te keteke ndi nyuila epako liokaliye vusoma wa Suku.

MARKO 14:9

Kuenje mopia lene siti, Ocili, kuoha ondaka yiwa yi kundilua, kuosi kilu lieve, eci ukãi u a linga cu ko tukuilua onjivaluko yaye.

MARKO 3:28

Mopia lene siti, Ocili akandu osi a ecelua omãla vomanu, letonãi liavo liosi va popia.

MARKO 6:11

Imbo limue nda ka li tava oku u hindikisi pamue ka vo yevi, eci vu tundamo, tutumuli oneketela polomãi viene ndondimbukiso yoku va pisa.

MARKO 8:12

Kuenje wa tulila omuenyo vutima waye, yu wa linga hati, Ocitumbulukila cilo, nye ci sandela ondimbukiso? Mopia lene siti, Ocili, layimue ondimbukiso yeciwa kocitumbulukila cilo.

MARKO 9:1

Yesu wa popia vali lavo hati, Mopia lene siti, Ocili vamue va tãi kulo ka va mahi kokufa te va mola usoma wa Suku weya lunene.

MARKO 9:41

Momo u o ku iha okopo yovava atalala, omo vukua Kristu, mopia lene siti, Ocili, ka pumbi onima yaye.

LUKA 11:51

tunde kosonde ya Abel toke kosonde ya Sakariya, u wa ipailua pokati kutala lonembele. Ocili muẽle, mopia lene siti, Yi fetuluinyilua ocitumbulukila cilo.

LUKA 22:21

Puãi, tali, eka liu o makula li kasi kumue lame komesa.

LUKA 4:24

Kuenje eye wa linga hati, Mopia lene locili, siti, Lomue uprofeto o panduiwa voluse luaye.

YOANO 1:51

Kuenje Yesu wa popia laye hati, Mopia love, siti, Ocili, ocili, o mola ilu lia yuluka, kuenda ovangelo vamue va Suku va londa ku Mõlomanu, vakuavo va lokila kokuaye.

YOANO 13:18

Si kasi loku vu vanguila vosi, ava nda nola ndi vai. Puãi ocisonehua ci lingiwe, cina ca linga citi, U wa lia lia ombolo yange eye wa njeluila ocisendemãi.

YOANO 13:21

Eci Yesu a popia ndoco oco wa tokotelua vutima, kuenje wa imba uvangi hati, Mopia lene siti, Ocili, ocili, umue pokati kene o makula.

YOANO 13:22

Olondonge via livanja omunu, omunu. Va tatãla nda helie, nda helie, a tukula.

YOANO 13:38

Yesu wa kumbulula hati, O mesila omuenyo wove? Mopia love siti, Ocili, ocili, ekondombolo ka li lili te wa liñala lutatu.

YOANO 21:18

Mopia love siti, Ocili, ocili, kumalehe wove wa liñaiña uvia ove muẽle, kuenje wa enda enda kuosi wa panga, puãi kukulu wove o nyanyumula ovoko ove kuenje umue wiñi o ku iña, loku enda love oko kua pangele.

YOANO 3:11

Mopia love siti, Ocili, ocili, tu vangula ovina tua kũlĩha, kuenje ovina tua mola ovio tu imbila uvangi, ene puãi ka vu tava kuvangi wetu.

YOANO 3:3

Yesu wo kumbulula hati, Mopia love siti, Ocili, ocili, omunu ka tẽla oku mola usoma wa Suku, te wa citiwa evali.

YOANO 3:5

Yesu wa kumbulula hati, Mopia love siti, Ocili, ocili, omunu ka tẽla oku iñila vusoma wa Suku, te o citiwa lovava kuenda Espiritu.

YOANO 5:19

Yesu wa popia lavo hati, Mopia lene siti, Ocili, ocili, Mõla ka tẽla oku linga cimue eye muẽle, te eci a lete ku Isia oco lika a linga, Cosi Isia a linga haico Mõla a lingavo.

YOANO 6:26

Yesu wa va kumbulula hati, Mopia lene siti, Ocili, ocili, ka vu sandela omo wa moli ovilimbu, te omo wa li olombolo, yu we kuti.

YOANO 6:32

Oco Yesu wa va kumbulula hati, Mopia lene siti, Ocili, ocili, Mose haeyeko wo wihi ombolo yokilu, te Tate eye o wihi ombolo yocili yokilu.

YOANO 6:47

Mopia lene siti, Ocili, ocili, u o kolela o kuete omuenyo ko pui.

YOANO 6:70

Yesu wa va kumbulula hati, Sio noleli hẽ ekui liomanu komanu vavali, kuenje umue pokati kene eliapu?