MARKO 13:11 - Embimbiliya - Bíblia Sagrada em Umbundu

¹¹ Leci vo tuali kakanga ko ka kali lohele yeci vu popia, puãi eci cu wihiwi oku popia kola yaco oco vu popia, momo heneko vu popia, te Espiritu Sandu.

MARKO 13:11 Iomraidhean Croise

II SAMUELE 23:2

Espiritu lia Yehova li popia, ame ndinga Mitakati. Ondaka yaye yi kasi kelimi liange.

ISAYA 50:4

Ñala Yehova wa nyĩha elimi liuloño ndokuti nẽla oku kolisa lolondaka u wa kava. Omẽle komẽleo pasola, o pasola etuĩ liange okuti njeva ndu o longisiwa.

MATEO 10:17

Lunguki lomanu momo vo pakuila kakanga kuenje vo tipuila volosunangonga viavo.

MARKO 13:12

Omunu o pakuila manjaye kokufa; isia omõlaye, kuenje omãla va katukila olonjali oku va pisila okufa.

MARKO 13:9

Puãi ene muẽle lunguki, momo vo pakuila kakanga, kuenje vu tipuilua volosunangonga, vu nalamela kovaso olonguluvulu lo kovaso olosoma oku njimbila uvangi kovaso avo.

LUKA 21:12

Puãi osimbu ovina evi viosi ka via lingiwile, vo kuati kuenda vo kangisi, vo pakuili kolosunangonga lo kotuyike kuenje vu tualiwila onduko yange kolosoma kuenda kolonguluvulu.

YOANO 3:27

Yoano wa kumbulula hati, Omunu ka tambula cimue te eci ca wihiwa tunde kilu.

OVILINGA 2:4

Oco va yukisua le Espiritu Sandu, kuenje va fetika oku vangula alimi aiñi aiñi, ndeci Espiritu Sandu a va iha oku popia.

OVILINGA 3:13

Suku ya Avirahama la Isake kuenda Yakoba, haeye Suku yolosekulu vietu, eye wa ci lingila oku muisa Omõlaye Yesu ulamba. Omõlaco ene wo pakuli kuenje wo likaleli kovaso a Pilato, eci a pangele oku weca.

OVILINGA 4:31

Eci va likutilila, oco onjo, omu va likongela, ya lisenga. Vosi ve yukisua Espiritu Sandu, kuenje va popia ondaka ya Suku lutõi.

OVILINGA 6:10

Puai ka va tẽlele oku tamalala lolondunge viaye le Espiritu a popia lalio.

OVILINGA 6:15

Oco, vosi va tumala vonjango eci vo vanja va mola ocipala caye huti ño ocipala cungelo.

OVILINGA 7:55

Puãi eye we yuka Espiritu Sandu, kuenje, oku tunguila ovaso kilu, wa mola ulamba wa Suku, la Yesu yo, o tãi kondio ya Suku.

I VA KORINDO 2:13

Ovina viaco ka tu kunda kunda lolondaka vi longisiwa lolondunge viomanu, te levi vi longisiwa le Espiritu, okuti oku lombolola ovina viocili vi Espiritu, ku vaku'Espiritu.

VA EFESO 3:5

Elumbu liaco ka lia situluiwile komãla vomanu vakuavitumbulukila vikuavo, ndeci koloneke vilo lia situluiwa le Espiritu kovapostolo va kola lo kovaprofeto.

TIAGO 1:5

Nda umue pokati kene wa kamba olondunge a pinge ku Suku, u ecaeca komanu vosi ocali, halocikundoko, kuenje vi eciwa kokuaye.

I PETULU 1:12

Ca situluiwa kokuavo okuti ovo muẽle havoko ovina viaco via sapuiwilua. Cilo, ava vo kundili ondaka yiwa ya va ihiwa le Espiritu Sandu lia tumiwa tunde kilu, ovio ovina vo sapuili. Kuenje ovangelo va livela oku lengelela vovina viaco.