MARKO 12:2 - Embimbiliya - Bíblia Sagrada em Umbundu

² Oco kuvo waco wa tuma ukuenje kolongunja viaco, oco a kopeko apako ocumbo cayuva.

MARKO 12:2 Iomraidhean Croise

II OLOSOMA 17:13

Haimo Yehova wa lungola Isareli la Yuda lomẽla wovaprofeto vosi lavakuavitumasuku vosi hati, Tinduki kolonjila viene vĩvi. Lavi ovihandeleko viange lovisila viange loku pokola kovihandeleko viosi vina nda handelekele olosekulu viene haivio ndo tumisi lomẽla wovakuenje vange ovaprofeto.

II ASAPULO 36:15

Yehova Suka yolosekulu viavo, ka liwekele oku va tumaisa olomunga viaye, momo wa kala lohenda lomanu vaye locitumãlo caye.

ESERA 9:11

vina wa tuma lakuenje vove ovaprofeto, huti, Ofeka oko wendi oku ka yi kuata, ofeka ya vĩhĩsua levĩho lia vakualofeka, haiyo va yi yukisa lovina viumbondo kolonele viosi.

OLOSAMO 1:3

Wa linga nduti wa kũliwa kolondui viovava, haiwo wimaima epako liawo kuvo waco. Lemela liawo ka li uwuka. Cosi o linga o sumũlũha laco.

YEREMIYA 35:15

Nda tumavo kokuene akuenje vange vosi ovaprofeto. Nda pandikisa oku va tuma tuma. Nda linga siti, Ene vosi, tinduki omunu omunu konjila yaye yĩvi. Sunguluisi ovilinga viene. Ko ka sandi olosuku viñi loku vi vumba. Oco vu kala vofeka nda eca kokuene kuenda kolosekulu viene. Puãi ka wa ñuluĩlĩli ovatũi ene, pamue oku njevelela.

YEREMIYA 44:4

Haimo nda lipilika oku tuma tuma kokuene akuenje vange vosi okuti ovaprofeto. Nda popia popia siti, Ko ka lingi ocina eci cumbondo haico nyãle.

MIKA 7:1

Ngongo yange we! momo nda soka ndotembo va yunga ale epako liokuenye kuenda va nolula ale ayuva oku linga ovinyu. Ka kuli ocisakaita cokulia, pamue ekuyu lina lia pia tete li yongola utima wange.

SAKARIYA 7:7

Eci Yerusalãi ya kaile lomanu kuenda ya kaile lombembua, kumosi lovikanjo via yi ñuala, leci vofeka yokombuelo leyi yanyala mua tungile omanu, olondaka evi havioko Yehova a popia lovimẽla viovaprofeto vatete?

MATEO 21:34

Eci ceya ocipepi kuvo wapako aco oco a tuma akuenje vaye kolongunja viaco oku kopa apako aye.

MARKO 12:1

Kuenje wa fetika oku popia lavo lolosapo hati, Omunu umue wa tuika ocumbo cayuva, wombako ongumbu, wa felamo ocitunyu ha ci lingi ocikulungu covinyu, yu wa tungamo onjo yelavelo, kuenje wa ci pindikisa kolongunja, yu wa enda kofeka yikuavo.

MARKO 12:3

Yu vo kuata, kuenje vo tipula, vo tiuwiya ño ovoko.

LUKA 12:48

Puãi u ka ci kũlĩhile, kuenje wa linga evi via sesamela eyambulo, eye o tipuiwa ci sule. Wosi ihiwa ca lua, eye o kisikiwa ca lua. U wa kundikiwa ca lua, eye va pilika ca lua.

LUKA 20:10

Oco, kuvo waco, wa tuma ukuenje kolongunja viaco okuti, kapako ocumbo cayuva vo wihako amue. Puãi olongunja via tipula, kuenje vio tiuwiya ño ovoko.

VA HEVERU 1:1

Kosiahulu Suku wa popia olonjanja via lua lolosekulu vietu lovimẽla viovaprofeto. Wa nola olonjila viñi viñi vioku sapula ondaka yaye.