MARKO 11:23 - Embimbiliya - Bíblia Sagrada em Umbundu

²³ Mopia lene siti, Ocili u o popia lomunda eyi hati, Veyuka, limba vokalunga, kuenje ka suma suma vutima waye, puãi o kolela okuti eci a popia ci lingiwa, oco cu lingiwila.

MARKO 11:23 Iomraidhean Croise

OLOSAMO 37:4

Sanjukila Yehova, kuenje eye o ku iha evi vi yongola utima wove.

MATEO 14:13

Oco, eci Yesu a ci yeva, wa tundako wa endela vowato. Wa enda vekalasoko kulika. Puãi, eci omanu va ci yeva, va tunda kovaimbo, kuenje, oku u kuama, va pita posi.

MATEO 17:20

Yesu wa kumbulula hati, Ka wa ci tẽleli omo ekolelo liene litito. Momo mopia lene siti, Nda vu kasi lekolelo ndolumema lusalata, nda vu popia lomunda eyi hoti, Kulo tundako, sondolokela oko, kuenje yi sondoloka. Ka kuli eci ka vu tẽla.

MATEO 21:21

Yesu wa va kumbulula hati, Mopia lene siti, Ocili, nda vu kasi lekolelo okuti ka vu suma suma, oco, eci ca lingiwa lukuyu u hacoko lika vu linga, puãi ndaño vu popia lomunda eyi hoti, Veyuka, limba vokalunga, ci lingiwa.

LUKA 17:6

Kuenje Ñala wa popia lavo hati, Nda wa kaili lekolelo ndokalumema kombuto yulemba nda vu tẽla oku popia lulemba u hoti, Veyuka, lituika vokalunga, kuenje nda u vu pokola.

YOANO 14:13

Kuenje cosi vu pingila vonduko yange ndi ci linga, okuti Isia o muisua ulamba ku Mõla.

YOANO 15:7

Nda vu kala vokuange kuenje olondaka viange vi kala vokuene, pingi cosi vu yongola kuenje cu lingilua.

I VA KORINDO 13:2

Ndaño ñuete owanji wuprofeto kuenda nda kũlĩha alumbu osi lukũlĩhiso wosi, ndaño ñuete ekolelo liosi okuti sondolola lalio olomunda, puãi si kuete ocisola, haimo ame sicimueko.