MARKO 11:18 - Embimbiliya - Bíblia Sagrada em Umbundu

¹⁸ Kuenje ovitunda vinene la vakuavisonehua va ci yeva, oco va sanda ndomo va tẽla oku u nyõla. Momo vo kuatela ohele omo owiñi wosi wa komoha okulongisa kuaye.

MARKO 11:18 Iomraidhean Croise

I OLOSOMA 21:20

Ahava wa popia la Eliya hati, Wa sanga, onyali wange? Leye wa kumbulula hati, Nda ku sanga, momo wa lilandisa ove muẽle oku linga eci cĩvi kovaso a Yehova.

I OLOSOMA 22:18

Soma ya Isareli wa popia la Yehosofata hati, Sia ku sapuilile hẽ okuti eye ka mopela ciwa vocitumasuku caye, te cĩvi?

I OLOSOMA 22:8

Soma ya Isareli wa popia la Yehosafata hati, Kuli omunu umue, Mikaya, omõla a Imila, eye o tela oku tu pulilako ku Yehova. Puãi ndu nyale, momo vovitumasuku viaye ka mopailako ciwa, te cĩvi. Oco Yehosafata hati, Soma ka ka vangule ndoco!

ISAYA 49:7

Yehova, Onjovoli ya Isareli, haeye U waye o kola, wa popia lu wa pembuiwa, haeye wa nyehuĩwa lolofeka, haeye ukuenje wolombiali, hati, Olosoma vi ci mõla kuenje vi votoka. Ndaño olombuale vi ku fendela mekonda lia Yehova wa kolelua, haeye U o kola wa Isareli una wa ku nõla.

MATEO 21:15

Puãi, eci ovitunda vinene la vakuavisonehua va mola ovikomo a linga, kuenda omãla va kala loku vilikiya vonembele vati, Hosana ku Mõla a Daviti, oco va tema.

MATEO 7:28

Eci Yesu a mala olondaka evi, oco owiñi womanu wa komoha okulongisa kuaye,

MARKO 1:22

Va komoha okulongisa kuaye, momo wa va longisa ndu o kasi lomoko, handavakuavisonehuako.

MARKO 11:32

Puãi tu popia hẽ tuti, Liomanu? Va kala lusumba womanu, momo vosi va soka vati, Yoano uprofeto muẽle.

MARKO 12:12

Omo va limbuka okuti ovo a tela olusapo luaco oco va sokele oku u kuata, puãi va kala lusumba wowiñi, kuenje vo sia, va enda.

MARKO 3:6

Haico va Fariseo va tunda, kuenje va tumbika ongombo la vakua Herode ha vo wipa.

MARKO 6:20

momo Herode wa kuatela Yoano usumba. Omo wa kũlĩha okuti Yoano ukuesunga haeye o kola, oco wo lava ciwa. Oco, eci o yeva, wa sakalala, puãi haimo wo yeva lonjolela.

LUKA 19:47

Yu wa longisa vonembele eteke keteke. Ovitunda vinene, la vakuavisonehua, lakulu vomanu, va yongola oku u nyõla,

LUKA 2:47

Kuenje vosi vo yeva va komoha olondunge viaye latambululo aye.

LUKA 20:19

Vakuavisonehua lovitunda vinene, kola yaco haiyo, va sanda oku u kuata, momo va limbuka okuti ovo a tela olusapo luaco, puãi va kuatela omanu usumba.

LUKA 4:22

Kuenje vosi vo wimbila uvangi uwa, kuenje va komoha olondaka via posoka via tunda vomẽla waye. Va linga vati, Heyeko omõla a Yosefe?

YOANO 7:1

Kovaso yaco Yesu wa ñuala ñuala vo Galilea, ka yonguile oku ñuala ñuala vo Yudea omo va Yudea va sanda oku wipa.

YOANO 7:19

Mose hẽ, ka wihili ovihandeleko? Haimo lumue, lomue pokati kene o pokola kovihandeleko. Nye vu sandela oku njipa?

YOANO 7:46

Akuenje va kumbulula vati, Lomue omunu wa la popia ndomunu waco o-o.

OVILINGA 24:25

Kuenje eci a kala loku lombolola esunga, lesuluviko, kuenda ekanga li laika oku iya, oco Feliki wa yokoka, yu wa kumbulula hati, Kuende handi. Eci mola evelo hu tumila vali.