MARKO 10:47 - Embimbiliya - Bíblia Sagrada em Umbundu

⁴⁷ Eci a yeva okuti Yesu u Nasara o kasi loku pita oco a fetika oku vilikiya, kuenje hati, A Yesu, a Mõla a Daviti, ndinge ohenda.

MARKO 10:47 Iomraidhean Croise

ISAYA 11:1

Ocinjovelela ci tunda kocisingi ca Jese, kuenje ocanja ci tunda kolombombo viaco.

MATEO 1:1

Elivulu liocikoti ca Yesu Kristu, omõla a Daviti, omõla a Avirahama.

MATEO 12:23

Owiñi wosi wa komoha, yu va linga vati, Ocili nga u omõla a Daviti?

MATEO 15:22

Ukãi umue u Kanana ukuafeka yaco, weya kuenje wa vilikiya hati, A Ñala, a Mõla a Daviti, ndinge ohenda. Omõlange ukãi o kuetiwe cimue lovilũlu.

MATEO 2:23

Kuenje wa enda, wa tunga vimbo lia tukuiwa Nasara, oco yi lingiwe ondaka ya popiwa luprofeto, yokuti, O tukuiwa u Nasara.

MATEO 20:30

Olomeke vivali via tumala kohulo yonjila. Eci va yeva okuti Yesu o kasi loku pita oco va vilikiya vati, A Ñala, a Mõla a Daviti, tu linge ohenda.

MATEO 21:11

Kuenje owiñi wa popia uti, U, uprofeto Yesu u Nasara ko Galilea.

MATEO 21:9

Kuenje owiñi wo pitila kovaso lu wo kuama konyima, vosi va vilikiya vati, Hosana ku Mõla a Daviti. U iyilila onduko ya Ñala a sivayiwe! Kilu va vilikiyevo, vati, Hosana.

MATEO 26:71

Eci a tundila koluwa ufeko ukuavo upika wo mola, kuenje wa popia lomanu va kalapo hati, U wa kala kala la Yesu u Nasara.

MATEO 9:27

Eci Yesu amako olomeke vivali vio kuama, via vilikiya viti, Tu linge ohenda, a Mõla a Daviti.

MARKO 1:24

kuenje wa vilikiya, hati, Tu likuetele nye love, a Yesu u Nasara? Weyilila oku tu nyola? Ndu kui, ove o kola ku Suku.

LUKA 4:16

Noke weya ko Nasara kuna a tekuiwila, kuenje, ndeci a tuwa, kesambata wa iñila vosunangonga. Yu wa votoka oku tanga,

YOANO 1:46

Nataneli wo pula hati, Ko Nasara hẽ, ku tunda cimue ciwa? Filipu wo kumbulula hati, Enju, ndo tale.

YOANO 19:19

Kuenje Pilato wa kapa ocisonehua kekulusu. Ca sonehiwako ceci: YESU U NASARA SOMA YA VA YUDEA.

YOANO 7:41

Vakuavo vati, Eye o Mesiya. Puãi vamue vati, Mesiya nga o tunda ko Galilea?

YOANO 7:52

Kuenje va kumbulula vati, Lovevo, u Galilea? Kũlĩhisa lutate kuenje o limbuka okuti ko Galilea ka ku tundi uprofeto.

OVILINGA 6:14

Momo tuo yeva, wa linga hati, Yesu u Nasara o nyõla ocitumalo cilo, kuenje o pongolola ovihõlo Mose a tu sila.

ESITULUILO 22:16

Ame Yesu nda tuma kokuene ungelo wange okuti wimbi uvangi wovina evi kakongelo. Ame ndisĩla lia Daviti, haime ndimbuto yaye, haime ndilumbungululu lua tua luomele.