MARKO 10:22 - Embimbiliya - Bíblia Sagrada em Umbundu

²² Puãi, oku yeva ondaka yaco, ocipala caye ca nyumala, kuenje wa tundako loku sumua momo wa kala lovipako via lua.

MARKO 10:22 Iomraidhean Croise

ESEKIELE 33:31

Oco veya kokuove ndomanu va tuwa oku iya ale, va tumãla kovaso ove ndomanu vange, va yevelela eci o popia, puãi ka va tava oku ci linga, momo va lekisa ocisola calua lovimẽla viavo, ovitima viavo puãi vi lunga kocipululu.

MATEO 13:22

U wa kũliwa pokati kocambanda, eye u o yeva ondaka yaco kuenje ohele yoluali leliaño liukuasi vi totomisa ondaka yaco kuenje ka yi imi.

MATEO 19:22

Puãi, eci umalehe a yeva ondaka eyi, oco wa enda loku nyumala momo wa kala lovikuata via lua.

MATEO 27:3

Oco Yuda, una wo pakula, eci a mola okuti Yesu wa pisiwa, wa livela kuenje wa tiula olopalata viaco akui atatu kovitunda vinene lakulu.

MARKO 10:21

Kuenje Yesu oku u vanja wo sola, yu wa popia laye hati, Wa kamba cimue cimuamue, kuende, ka landise cosi o kuete, ci avela olosuke, kuenje o kala lipako kilu; oco wiye o ñuame.

MARKO 10:23

Kuenje Yesu oku pukukako wa popia lolondonge viaye hati, Ca tila ca lua ohuasi oku iñila vusoma wa Suku.

MARKO 6:20

momo Herode wa kuatela Yoano usumba. Omo wa kũlĩha okuti Yoano ukuesunga haeye o kola, oco wo lava ciwa. Oco, eci o yeva, wa sakalala, puãi haimo wo yeva lonjolela.

MARKO 6:26

Oco soma wa sumua ca lua, puãi omo a lisinga esingo li kola, lomo a kala lakombe va tumala laye kokulia, oco ka yonguile oku u likala.

LUKA 12:15

Kuenje wa popia lavo hati, Lunguki kuenda liuviki kocipululu cosi, momo omunu, ndaño ohuasi enene, haimo omuenyo waye ko fukile.

LUKA 18:23

Puãi, eci a yeva ovina evi, wa sumua cimue, momo wa kala lovipako via lua.

II VA KORINDO 7:10

Momo esumuo li limbuka ocipango ca Suku li koka okulikekemba ku tuala kepopelo, kuna ku koka oku livela hakuoko. Puãi esumuo li tunda ño kutima wesanda lioluali li koka okufa.

VA EFESO 5:5

Kũlĩhi okuti lomue okahonga, pamue ukuevĩho, pamue ukuacipululu, okuti yu o fendela olosuku viñi, o kuete ocipiñalo cimue vusoma wa Kristu haiwo wa Suku.

II TIMOTEO 4:10

Momo Dema wa njanduluka omo a sola oluali lulo, kuenje wa enda ko Tesalonike. Kreske wa enda ko Galatia, Tito ko Dalmatia.