MARKO 10:2 - Embimbiliya - Bíblia Sagrada em Umbundu

² Kueya va Fariseo, kuenje oku u nyika vo pula vati, Ci tava okuti ulume o nyala ukãi waye?

MARKO 10:2 Iomraidhean Croise

MALAKIYA 2:16

Momo Yehova, Suku ya Isareli, wa popia hati, Ndi suvuka oku nyãla. Suvukavo ulume oku linga cĩvi ukãi waye. Oco, lunguki lovitima viene, ko ka lingi usuanji waco.

MATEO 15:12

Oco olondonge viaye vieya kuenje vio pula viti, Wa kũlĩha okuti va Fariseo va temela ca lua ondaka yaco yove?

MATEO 16:1

Oco va Fariseo lava Sadukeo veya kokuaye. Oku u nyika vo pinga okuti o va lekisa ondimbukiso yimue yokilu.

MATEO 19:3

Va Fariseo vamue veya kokuaye. Vo seteka vati, Ci tava okuti ulume o nyalela ukãi waye evelo limue?

MATEO 22:35

Kuenje umue wavo, haeye ukuavihandeleko, wo pula ondaka oku u seteka hati,

MATEO 23:13

Ene a vakuavisonehua, lene a va Fariseo, wakuambambe, ngongo yene! Momo vu yikilako omanu usoma wokilu; ene muẽle ka wiñilamo, lava va yongola oku iñila vu va tateka.

MATEO 9:34

Puãi va Fariseo vati, O tundisa ovilũlu lunene wosoma yovilũlu.

MARKO 10:1

Kuenje Yesu wa tundako, weya kofeka ya Yudea kuenda kesinya lia Yordão. Kuenje owiñi wo liongoluila vali yu wa va longisa ndeci a tuwa.

MARKO 10:3

Eye wa va kumbulula, hati, Mose wo handeleki ndati?

MARKO 8:11

Va Fariseo veya kuenje va fetika oku u hoyisa. Vo nyika poku u pinga ondimbukiso yokilu.

MARKO 8:15

Oco wa va lungula hati, Patuluki! Lunguki sanga vu lueyisiwa letumbisa lia va Fariseo kuenda etumbisa lia Herode.

LUKA 11:39

Kuenje Ñala wa popia laye hati, Ene a va Fariseo, vu yelisa ño koñoño yonganja leyi yelonga. Puãi vokati kene mue yuka ocipululu levĩho.

LUKA 16:14

Va Fariseo, haivo vakuakusola olombongo, va yeva ovina evi viosi kuenje vo pembula.

LUKA 5:30

Kuenje va Fariseo la vakuavisonehua vavo va mumuila olondonge viaye vati, Nye vu lila loku nyuila kumue la vakuakutambula elisimu lolondingakandu?

LUKA 6:7

Kuenje vakuavisonehua la va Fariseo vo lavulula nda o sakula kesambata okuti vo sangela eci vo pindika laco.

LUKA 7:30

Va Fariseo puãi lalongisi vovihandeleko va likala ocipango Suku a va yonguila omo ka va tavele oku papatisiwa la Yoano.

YOANO 11:47

Oco ovitunda vinene la va Fariseo vongolola onjango yavo, yu va linga vati, Tu linga nye? Momo omunu u o linga ovilimbu via lua.

YOANO 11:57

Ca kala okuti ovitunda vinene kuenda va Fariseo va handeleka ale, vati, Nda umue wa kũlĩha oku a kasi a ci sapule, oco tu u kuate.

YOANO 7:32

Va Fariseo va yeva ndomo owiñi wo mumuila ovina evi, kuenje ovitunda vinene la va Fariseo va tuma akuenje vovitunda oku u kuata.

YOANO 7:48

Anga, umue pokati kovasongui wo tava, pamue umue pokati ka va Fariseo?

YOANO 8:6

Eci va ci popela oku u seteka oco va mole cimue coku u pindika laco. Yesu puãi oku petama wa soneha posi lomuine waye.

I VA KORINDO 10:9

Ka tu ka nyiki Ñala ndeci vamue pokati kavo va linga, kuenje va nyõliwa lolonyoha.