MARKO 10:14 - Embimbiliya - Bíblia Sagrada em Umbundu

¹⁴ Puãi eci Yesu a ci mola oco wa tema, kuenje wa popia lavo hati, Omãla veye ño kokuange, ko ka va tutuiyi, momo usoma wa Suku wava va linga ndava.

MARKO 10:14 Iomraidhean Croise

EFETIKILO 17:7

Ñolisa ocisila nda lisila love lombuto yove yu ku kuãi, kuenda ovitumbulukila viavo, ha ci lingi ocisila ka ci pui. Ndinga Suku yove. Ndingavo Suku yombuto yove yu ku kuãi.

OLOSAMO 78:4

Ka tu vi limbika komãla vavo. Puãi tu sapula kocitumbulukila ci kuamamo ovilinga via kemala via Yehova, lunene waye, kuenda ovikomo a linga.

ISAYA 65:23

Ka va lingi upange olivova, ka va citi lohele momo haivo ombuto yava va sumũluĩsua la Yehova, kuenda omãla vavo va kala kumue lavo.

ATENDELO 14:31

Puãi omãla vene vatito ava wa lombololi hoti, Va kuatiwa, ovo ndi va iñisa kuenje ovo va kulĩha ofeka ene wa pembuli.

MATEO 18:10

Kali lutate okuti ka vu sepuisa kamue kava vatito, momo mopia lene siti, Kilu ovangelo vavo va vanja ño-o hũ kocipala ca Tate o kasi kilu.

MATEO 18:4

U o liketisa ha lingi ndokamõla aka eye wa velapo vusoma wokilu.

MATEO 19:14

Puãi Yesu hati, Omãla va kale, ko ka va tutuiyi oku iya kokuange, momo Usoma wokilu wava va lisoka lavo.

MATEO 5:10

Ava va yambuilua esunga va sumũlũha, momo usoma wokilu wavo.

MATEO 5:3

Vakuosuke wovutima va sumũlũha, momo usoma wokilu wavo.

MARKO 3:5

Eci a va pukukila lonyeño, momo co vala omo ovitima viavo via siva, oco wa popia lomunu waco hati, Olõla eka liove. Oco wa li olõla, kuenje eka liaye lia ñuaima.

MARKO 8:33

Puãi Yesu wa ñualapo, kuenje eci a mola olondonge viaye, wa tutuiya Petulu hati, Kuende konyima yange, a Satana, momo ovisimilo viove havia Sukuko, viomanu.

YOANO 3:3

Yesu wo kumbulula hati, Mopia love siti, Ocili, ocili, omunu ka tẽla oku mola usoma wa Suku, te wa citiwa evali.

YOANO 3:5

Yesu wa kumbulula hati, Mopia love siti, Ocili, ocili, omunu ka tẽla oku iñila vusoma wa Suku, te o citiwa lovava kuenda Espiritu.

OVILINGA 2:39

Momo ohuminyo yaco ya likuminyiwa kokuene lo komãla vene kuenda ku vosi va kasi kupãla, okuti vosi ava Ñala Suku yetu a kovonga.

OVILINGA 3:25

Ene vumãla vovaprofeto, haene wakapiñala kohuminyo Suku a likuminya lolosekulu vietu eci a popia la Avirahama hati, Apata osi o kilu lieve a sumũlũhila kombuto yove.

VA ROMA 11:16

Nda ombu yatete yi kola, eci ca sialapo lacovo ci kolavo. Nda olumbombo lu kola, ovianja laviovo vi kolavo.

VA ROMA 11:28

Kondaka yiwa, va Isareli va linga ovanyali va Suku, kuenje ci vu kuatisa ene wakualofeka. Puãi kondaka yoku noliwa, va soliwa mekonda liolosekulu viavo.

I VA KORINDO 14:20

A vamanji, kolondunge ko ka lingi ndomãla. Kevĩho lingi ndoloñaña, puãi kolondunge, lingi ndakulu vendamba.

I VA KORINDO 7:14

Ulume hokuetavoko o kola mekonda liukãi waye. Ukãi hokuetavoko o kola mekonda liulume waco ukuetavo. Nda hacoko omãla vene nda va vĩha, cilo puãi va kola.

VA EFESO 4:26

Temi, puãi ko ka lingi ekandu. Ekumbi ka li ka iñile lokutema kuene.

ESINUMUĨLO 4:37

Kuenje omo a sola olosekulu viene loku nola ombuto yavo, lomo eye muẽle a wupi ve Egito lunene waye wa lua;

II TIMOTEO 1:5

Njivaluka ekolelo halioku luvikiyako o kasi lalio. Tete lia kala vu nyokulu Loisi, kuenda vu nyoho Eunike, kuenje cilo nda kolela okuti ove o kasivo lalio.

II TIMOTEO 3:15

Ivaluka ndomo, tunde kuñaña, wa kũlĩha ovisonehua vi kola, haivio vi tẽla oku ku longisa ndomo o tẽla oku popeliwa lekolelo lioku kolela Kristu Yesu.

YEHOSUA 8:35

Kolondaka viosi Mose a handelekele, layimue ya sialako okuti Yehosua ka yi tangelele ohongele yosi ya Isareli, lakãi, lomãla, lovingendeleyi via tunga pokati kavo.

I PETULU 2:2

Liveli ndoloñaña asenjele ovitima ana ka a kuete elimbi. A liveli okuti vu kulila kepopelo,

ESITULUILO 14:5

Vovimẽla viavo ka mua sangiwile uhembi, momo va pua atondelo.

I SAMUELE 1:11

Wa lisilavo ocisila, hati, A Yehova Ukualohoka, nda o tava oku vanja kohali yufeko wove loku njivaluka, okuti oku njivala hacoko, puãi weca kufeko wove omõla ulume, ame omõlaco ndu weca ku Yehova oloneke viosi viomuenyo wange. Kutue waye ka ku piti omoko yomuto.

I SAMUELE 1:22

Hana puãi ka lamanele, wa sapuila veyaye hati, Tuli omõla a sumuha ndu tuala okuti o molẽha ku Yehova loku kalako otembo yosi.