MARKO 1:5 - Embimbiliya - Bíblia Sagrada em Umbundu

⁵ Kuenje ofeka yosi ya Yudea ya tundila kokuaye, la va Yerusalãi vosi, kuenje oku likekembela akandu avo, va papatisiwa laye volui Yordão.

MARKO 1:5 Iomraidhean Croise

OLOSAMO 32:5

Nda likekembela kokuove ekandu liange. Ongole yange sia yi limbikile. Nda linga siti, Ndi likekembela ku Yehova okulueya kuange, kuenje wa njupa evĩho liekandu liange.

OLOSAPO 28:13

U o limbika akandu aye ka tela oku sumũluha, puãi u o litavela kuenje o tindukako eye o sanga ohenda.

MATEO 4:25

Kuenje owiñi wa lua womanu wo kuama. Va tunda ko Galilea lo ko Dekápoli lo ko Yerusalãi lo ko Yudea kuenda kesinya lia Yordão.

MARKO 1:4

Oco vekalasoko mua tukuluka Yoano ukuakupapatisa, kuenje wa kunda epapatiso lioku likekembela akandu loku ecelua.

MARKO 1:6

Yoano wa wala uwalo wovonya ongamelo kuenda uvia wombandua vombunda yaye. Okulia kuaye olohuma lowiki wombula.

YOANO 1:28

Ovina evi via lingiwila vo Betánia, kesinya lia Yordão, oko Yoano a kala loku papatisila.

YOANO 3:23

Yoano layevo wa kala loku papatisila vo ka Ainone, ocipepi la Salimi, momo oko kua kala ovava a lua, kuenje omanu veya yu va papatisiwa.

YOANO 5:35

Eye wa kala ondiyelo ya taima ya tua, kuenje wa tavi oku yolela vocinyi cayo okasimbu kaño.

OVILINGA 19:18

Pokati kava va linga ale oloñame va lua veya oku litavela loku sapula ovilinga viavo viumbanda.

OVILINGA 2:38

Kuenje Petulu wa popia lavo hati, Ene vosi omunu omunu, likekembeli akandu ene, papatisilui ongecelo yakandu vonduko ya Yesu Kristu, oco vu mola ocali ce Espiritu Sandu.

TIAGO 5:16

Oco, litaveli pokati akandu ene loku likutililila pokati okuti vu veluisua. Ohutililo yukuesunga o likutilila lutima wosi yi muisa unene wa Suku.

YEHOSUA 7:19

Yehosua wa popia la akani, hati, Amolange, muisa Yehova Suku ya Isareli ulamba. Litavela kokuaye. Kaliye sapuileko eci wa linga. Ku ka ci ndimbike.