LUKA 9:2 - Embimbiliya - Bíblia Sagrada em Umbundu

² Kuenje wa va tuma oku kunda usoma wa Suku loku sakula omanu va vela.

LUKA 9:2 Iomraidhean Croise

MATEO 10:5

Ava ekui la vavali wa va tuma. Wa vosika hati, Ko ka endi lonjila yenda ku vakualofeka. Ko ka iñili vimbo limue lia va Samária.

MATEO 13:19

Nda umue o yeva ondaka yusoma kuenje ka yi yevite, oco eliapu liya ha liu nyeha eci ca kũliwa vutima waye. Eci oco ca wayiwa kohulo yonjila.

MATEO 24:14

Kuenje ondaka eyi yiwa yusoma yi kundilua kuoha koluali, ha yi lingi uvangi kolofeka viosi, oco esulilo liya noke.

MATEO 3:2

Likekembeli akandu ene momo usoma wokilu u kasi ocipepi.

MARKO 16:15

Kuenje wa popia lavo hati, Kuendi kuosi kilu lieve. Kundi ondaka yiwa koviluvo viosi.

MARKO 6:12

Oco va tunda, kuenje va kunda kunda vati, Likekembeli akandu ene.

LUKA 10:1

Oco kovaso yovina evi Ñala wa nola vali akui epanduvali komanu, kuenje wa va tuma vavali, vavali, okuti vo pitila kovaso oku enda kovaimbo osi lo kolofeka viosi oko a soka oku pita eye muẽle.

LUKA 10:11

Ndaño oneketela yimbo liene yi lamelelela kolomãi vietu, tu yi puenyelako, haimo limbuki eci okuti, Usoma wa Suku weya ocipepi lene.

LUKA 10:9

Sakuli olombei vi kasimo. Popi lavo hoti, Usoma wa Suku weya ocipepi lene.

LUKA 16:16

Ovihandeleko lovaprofeto va kala toke ku Yoano. Tunde apa, ondaka yiwa yusoma wa Suku ya kundiwa, kuenje vosi va lisindiliyilamo.

LUKA 9:11

Eci owiñi wa ci kũlĩha wo kuama. Eye wa va tambula lonjolela, wa vangula lavo ovina viusoma wa Suku, kuenje wa sakula ava va sukila oku sakuiwa.