LUKA 9:11 - Embimbiliya - Bíblia Sagrada em Umbundu

¹¹ Eci owiñi wa ci kũlĩha wo kuama. Eye wa va tambula lonjolela, wa vangula lavo ovina viusoma wa Suku, kuenje wa sakula ava va sukila oku sakuiwa.

LUKA 9:11 Iomraidhean Croise

ISAYA 61:1

Espiritu lia Ñala Yehova lia mbuila, momo Yehova wa mbuavekela oku kundila vakuahali ondaka yiwa. Wa numa oku petula ava va teka itima, loku sapula eyovo kolohute loku pandulula ava va pandekua,

MATEO 12:15

Yesu oku ci limbuka wa sondolokako, kuenje va lua vo kuama yu wa va kayisa vosi.

MATEO 14:14

Oco, eci a tunda vowato, wa mola owiñi wa lua, kuenje, omo a va kuatela ohenda, wa sakula olombei viavo.

MATEO 21:31

Pokati ka vavali vaco, u wa linga ocipango ca isiaye helie? Vati, Yu watete. Yesu wa popia lavo hati, Mopia lene siti, Ocili, vakuakutambula elisimu la vakahonga va livanga oku iñila vusoma wa Suku osimbu ene ka wa iñilili handi.

MATEO 21:43

Oco mopia lene siti, Usoma wa Suku upiwa kokuene kuenje weciwa kofeka yima apako awo.

LUKA 1:53

Wa kutisa vakuanjala ovina viwa. Wa tundisa olohuasi upolokoso.

LUKA 5:31

Kuenje Yesu wa va kumbulula hati, Ava va vela ovo va posokela ondotolo, ava va ñuai havoko.

LUKA 8:1

Oco noke eye wa pita kovaimbo anene lo kovaimbo atito oku kunda, wa sapula ondaka yiwa yusoma wa Suku, kuenje ekui liaco la vavali va enda kumue laye.

LUKA 8:10

Oco eye wa popia hati, Ene wa kundikiwi oku kũlĩha alumbu usoma wa Suku, puãi ku vakuavo alumbu aco a lomboluiwa lolosapo okuti oku vanja va vanja, puãi ka va moli, loku yeva va yeva, puãi ka va yevite.

LUKA 9:10

Eci ovapostolo va tiuka vo sapuila ovina viosi va linga. Oco wa va ambata kuenje wa enda lavo kimbo limue ha va kalako ulika. Onduko yimbo liaco Betesaita.

LUKA 9:12

Eci ekumbi lia fetika oku enda oco ekui liaco la vavali veya kokuaye, va popia laye vati, Eca owiñi, oco va ende kovaimbo lo kovapia a lisungue oku landa okulia loku lala, momo mulo tu kasi vekalasoko.

LUKA 9:2

Kuenje wa va tuma oku kunda usoma wa Suku loku sakula omanu va vela.

YOANO 4:34

Yesu wa popia lavo hati, Okulia kuange oku linga ocipango cu wa numa kuenda oku suisapo upange waye.

YOANO 6:37

Vosi Isia a nyiha, veya kokuange, kuenje u iya kokuange siu takumula.

OVILINGA 28:31

Wa kunda kunda usoma wa Suku, kuenje wa longisa ovina via Ñala Yesu Kristu lutõi, kuenje lomue wo timbuiya.

VA ROMA 10:14

Puãi va vilikiya ndati u ka vo kolelele? Va kolela ndati u ka va la yeva? Va yeva ndati nda lu o kunda sio?

VA ROMA 10:17

Oco ekolelo li tunda kueci ci yeviwa, leci ci yeviwa ci tunda koku kunda Kristu.

VA ROMA 15:3

Momo Kristu ka lisokoluile eye muẽle, puãi, ndeci ca sonehiwa okuti, Efuki liava va ku fũkĩlisa lia mbuila.

II TIMOTEO 4:2

Kunda ondaka. Kolisako, ndaño kotembo yaco, ndaño hakotembo yacoko. Tamalala lava va yi pengisa. Lemela. Lungula. Ku ka tepuluke kepandi ndaño koku longisa.

VA HEVERU 4:16

Oco, tu kokeli lutõi kocalo cocali, okuti tu mola ohenda loku sanga ocali ci tu kuatisa eci tu sukila oku kuatisiwa.