LUKA 8:13 - Embimbiliya - Bíblia Sagrada em Umbundu

¹³ Ava vokohanda ovo ava okuti, eci va yeva ondaka, va yi tava lonjolela, puãi ka va kuete olombombo, oco va yi kolela ño okatembo katito, kuenje keteke lieyonjo va konyoha.

LUKA 8:13 Iomraidhean Croise

YOVI 19:28

Nda vu popia hoti, Tu kolisiko ño oku u talisa ohali, pamue hoti, Esĩla liohali yaye li kasi vokati kaye muẽle,—

OLOSAPO 12:12

Ocikolo condingaĩvi ci papuluka, olombombo violondingesunga puãi vi kuatelela.

OLOSAPO 12:3

Lomue omunu o tuamẽla levĩho, olombombo viukuesunga puãi ka vi veyuka.

ISAYA 58:2

Haimo va sanda eteke keteke olo viosi, kuenje va sole oku kũlĩha olonjila viange. Va linga ndofeka yi lingainga esunga, yu ka ya sinĩlĩle ovihandeleko via Suku yavo. Va mũla mũla olonimbu viesunga, va sole oku ama ku Suku.

ESEKIELE 33:32

Tala, ove kokuavo wa linga ndu imbaimba ovisungo via posoka lelaka liwa, haive o sika ciwa ocisikilo, omo va yeva eci o popia puãi ka va tava oku ci linga.

HOSEA 6:4

Ndinga nye love, a Efarimi? Ndinga nye love, a Yuda? Ocisola cene ca soka ndelende liomẽle kuenda ndowume u loluka lonjanga.

MARKO 6:20

momo Herode wa kuatela Yoano usumba. Omo wa kũlĩha okuti Yoano ukuesunga haeye o kola, oco wo lava ciwa. Oco, eci o yeva, wa sakalala, puãi haimo wo yeva lonjolela.

LUKA 8:12

Ava vokohulo yonjila, ovo ava va yeva, noke eliapu liya, li upa ondaka vovitima viavo okuti ka va tava, kuenje ka va popeliwa.

LUKA 8:14

Ombuto ya lokila pocambanda ya lomboloka ava va yeva puãi va enda ño lonjila yavo, kuenje va totomisua lohele lukuasi lalau omuenyo okuti apako avo a siõsia.

YOANO 15:2

Ocanja cosi cange ka cimi epako, o ci sonjako, kuenje cosi cime epako, o ci sonjela oco cime epako lia lua.

YOANO 15:6

Umue nda ka kala vokuange, inasiwa ndolumbange, kuenje o kukuta. Ovianja viaco va vi ongolola, va vi imba vondalu, kuenje vi pia.

YOANO 5:35

Eye wa kala ondiyelo ya taima ya tua, kuenje wa tavi oku yolela vocinyi cayo okasimbu kaño.

I VA KORINDO 13:2

Ndaño ñuete owanji wuprofeto kuenda nda kũlĩha alumbu osi lukũlĩhiso wosi, ndaño ñuete ekolelo liosi okuti sondolola lalio olomunda, puãi si kuete ocisola, haimo ame sicimueko.

I VA KORINDO 15:2

haiyo vu popelua layo nda vu kakatela muẽle kokuayo, okuti ka wa taveli olivova.

VA GALATIA 3:1

Ene a va Galatia, waveke. Helie wo lianguli? Yesu Kristu, u wa valeliwa kekulusu ka lekisiwile hẽ kokuene kovaso omanu vosi?

VA GALATIA 3:4

Ohali yakahandangala he, wa yi tali ño ocali? Ame nda tatãla okuti wa yi tali ocali.

VA EFESO 3:17

Ndi likutililavo okuti, omo vu kasi lekolelo, oco Kristu o kala vovitima viene, lomo wa tuameli loku sevetiwa vocisola,

VA KOLOSAI 1:23

Okuinalisa kuaco kuiya nda vu pandikisa vekolelo, okuti vu sevetiwa cocili loku pama, kuenje ka vu tundi kelavoko li kasi vondaka yiwa, yina wa yevi, haiyo ya kundiwila omanu vosi voluali. Lamevo ndi Paulu ñasi loku yi kunda kunda.

VA KOLOSAI 2:7

Olombombo viene vi tuamele vokuaye. Amamiko oku kula vokuaye loku pamisua vekolelo ndeci wa longisiwi. Olopandu viene vi lue.

I VA TESALONIKE 3:5

Oco ame, eci sia tẽlele vali oku likandangiya, nda tuma oku kũlĩhisa ekolelo liene, sanga uyonji wo yonji, kuenda upange wetu wa linga wolivova.

I TIMOTEO 1:19

kuenje o kuatelela kekolelo kuenda kelungulo li tunda kutima wa sunguluka. Omo omanu vamue va likala elungulo li tunda kutima wa sunguluka oco ketavo va nyõleha ndonaviyu ya teka.

VA HEVERU 10:39

Etu puãi katuakuaku tokokako loku nyõleha, tuakuekolelo, haetu tu tata ovitima vietu.

TIAGO 2:26

Momo, ndeci etimba ka li kuete efuimo liomuenyo lia fa, haico ekolelo ka li kuete ovilinga laliovo lia fa.

II PETULU 2:20

Momo eci va puluka ale kevĩho lioluali omo va kasi lukũlĩhiso wonjovoli yetu Ñala Yesu Kristu, nda va tangiwa vali lalio kuenje va yuliwa, esulilo liavo li vĩha enene, cina va kaile tete hise.

II PETULU 2:22

Ca pita lavo ndolusapo luocili okuti, Mbua o tiukila kosanjo yaye. Ngulu wa lisukula kuenje o tiukila kocilivombelo.

I YOANO 2:19

Va tunda pokati ketu puãi ka va kaile vetu, momo, nda va kaile vetu, nda va tumalale letu, puãi va tunda oco va molehe okuti vosi havetuko.

YUDA 1:12

Omanu vaco va linga ndatime kolofesta viene viocisola. Ka va kuete osõi yoku linga ño ovombondo avo osi, ndaño va kasi loku lia kumue lene. Ka va sokolola vali umue ukuavo, te oku lisokolola ovo muẽle lika. Omanu vaco alende ka a kuete ovava, kuenje a pungua ño lofela, haivo oviti via loluka, ka vi kuete apako, via fa luvali, via tukũka,