LUKA 8:10 - Embimbiliya - Bíblia Sagrada em Umbundu

¹⁰ Oco eye wa popia hati, Ene wa kundikiwi oku kũlĩha alumbu usoma wa Suku, puãi ku vakuavo alumbu aco a lomboluiwa lolosapo okuti oku vanja va vanja, puãi ka va moli, loku yeva va yeva, puãi ka va yevite.

LUKA 8:10 Iomraidhean Croise

OLOSAMO 25:14

Ukamba wa Yehova u kasi lava vo sumba. Ohuminyo yaye o va yi longaisa.

ISAYA 29:14

oco, tala, omanu ava ndi va lingila vali ovikomo, ndi va lingila muẽle ovilimbu lovikomo, kuenje olondunge violonoño viavo vi takata, hikũlĩhĩso wolombanga viavo u wundisua.

ISAYA 44:18

Lacimue va kulĩha; ka va sokolola; ovaso avo a maniwa oco ka va lete, haico ovitima viavo oco ka va yevite.

ISAYA 6:9

Eye hati, Kuende, ka sapuile omanu vaco huti, Yeveleli ño-o, puãi ko ka ci yevi. Vanji ño-o puãi ko ka ci limbuki.

YEREMIYA 5:21

Amanu va wulua, haene ko kuete olondunge, yevi eci mopia. Vu kuete ovaso puãi ko lete; vu kuete ovatuĩ puãi ko yevite.

ESEKIELE 12:2

A Mõlõmunu, ove wa tunga pokati kepata liusuanji. Va kuete ovaso oku vanja puãi ka va lete. Va kuete ovatũi oku yeva puãi ka va yevite; momo ovo epata liusuanji.

MATEO 11:25

Eteke liaco Yesu wa tuala hati, A Tate, a Cime cilu losi, hu sivaya omo wa sitikila ovina evi kolonoño la vakualondunge kuenje wa vi situluila komãla.

MATEO 16:17

Kuenje Yesu wo kumbulula hati, A Simono, amõla a Yona, wa sumũlũha, momo hamunuko wa ku ci situluila, te Tate o kasi kilu.

MARKO 4:11

Eye wa popia lavo hati, Ene wa kundikiwi elumbu liusoma wa Suku, puãi ava ka va kundikiwile elumbu liaco ovina viosi vi va lomboluiwa lolosapo okuti,

MARKO 4:12

oku vanja va vanja, puãi ka va lete, oku yevelela va yevelela kuenje ka va yevite, sanga mbi va pongoloka kuenje ci va ecelua.

YOANO 12:40

Wa patisa ovaso avo kuenda wa tĩlisa ovitima viavo, sanga va leta lovaso avo, kuenda va limbuka lovitima viavo, sanga va pongoloka si va sakula.

VA ROMA 16:25

Kaliye, ku o tẽla oku u kolisi ndondaka yiwa ñunda ñunda haiyo Yesu Kristu a nena, ndesituluilo lielumbu lia sitikiwile tunde ka ku ci,

I VA KORINDO 12:11

Puãi olongavelo viaco viosi via eciwa le Espiritu limuamue. Eye avela omanu vosi ndeci a panga, omunu omunu.

ESINUMUĨLO 29:4

Haimo lopo, toke etaili, Yehova ko wĩhĩli utima woku limbuka, ndaño ovaso oku mõla, pamue ovatui oku yeva.

VA KOLOSAI 2:2

Ndi livela nda ovitima viavo vi kolisua omo via pandekiwila pamosi locisola. Ndi livela nda ukuasi wosi wukũlĩhiso, una ka u tatãliwa, u linga wavo. Ndi livelavo nda ukũlĩhiso welumbu lia Suku u linga wavo. Elumbu liaco Kristu.

I TIMOTEO 3:16

Tua tava okuti, ocili muẽle, okulonga kuondaka yi kola yetavo li koka oku tuwa nda Suku, ku komohisa. Eye wa tukuluisua letimba. Wa tetuluiwa le Espiritu okuti ukuesunga. Wa muiwa lovangelo. Wa sapuiwa ku vakualofeka. Wa taviwa kilu lieve. Wa tambuiwa kilu kulamba.