LUKA 7:13 - Embimbiliya - Bíblia Sagrada em Umbundu

¹³ Kuenje eci Ñala o mola, wo kuatela ohenda yu wa popia laye hati, Ku ka lile.

LUKA 7:13 Iomraidhean Croise

OLOSAMO 103:13

Ndeci isia a kuetele omãla vaye ohenda, haico Yehova a kuetele ohenda ava vo sumbila.

OLOSAMO 86:15

Ove puãi, a Yehova, wu Suku yohenda, haive wukuacili. O livala konyeño. Ocisola cove ka ci pui kuenda ocili cove via lua cimue.

OLOSAMO 86:5

Momo ove, a Yehova, wa sunguluka haive wukuakuecela. O kuetele vosi va ku vilikiya ocisola ka ci pui.

ISAYA 63:9

Olohali viavo viosi eye wa vi talelavo kumosi lavo. Hamungako pamue ungelo wa va popela, puãi eye muẽle wa kalako kuenje wa va popela. Wa va yovola locisola caye kuenda ohenda yaye, wa va yelula kuenje wa vambata oloneke viosi viosiãhũlu.

YEREMIYA 31:20

Efarimi hẽ, hamõlangeko wa soliwa? Hamõlako o sokoluiwa enene? Ndaño ndu pisa pisa haimo ndu wivaloka So. Oco utima wange wu kuetele ongeva, kuenje ndu linga ohenda. Oco ca popia Yehova.

MARKO 8:2

Ñuetele owiñi ohenda, omo va kala lame oloneke vitatu kuenje ka va kuete okulia.

LUKA 10:1

Oco kovaso yovina evi Ñala wa nola vali akui epanduvali komanu, kuenje wa va tuma vavali, vavali, okuti vo pitila kovaso oku enda kovaimbo osi lo kolofeka viosi oko a soka oku pita eye muẽle.

LUKA 11:1

Yesu wa kala kumue loku likutilila, kuenje eci a mala, yimue polondonge viaye ya popia laye yiti, A Ñala, tu longise oku likutilila ndeci Yoano a longisa olondonge viaye.

LUKA 11:39

Kuenje Ñala wa popia laye hati, Ene a va Fariseo, vu yelisa ño koñoño yonganja leyi yelonga. Puãi vokati kene mue yuka ocipululu levĩho.

LUKA 12:42

Kuenje Ñala wa linga hati, Helie kalei kaco ka kolelua, haiko ka lunguka, okuti ñala yako yi ka tukuila vakuanjo yaye oku va iha ongaso yavo keteke liaco?

LUKA 13:15

Oco Ñala wo kumbulula, hati, A vakuambambe! Kuli hẽ umue umosi pokati kene okuti keteke liesambata ka kutulula ongombe yaye, pamue ocimbulu caye vocimanga, oku ka ci nyuisa?

LUKA 17:5

Ovapostolo va popia la Ñala vati, Tu vokiyeko ekolelo.

LUKA 17:6

Kuenje Ñala wa popia lavo hati, Nda wa kaili lekolelo ndokalumema kombuto yulemba nda vu tẽla oku popia lulemba u hoti, Veyuka, lituika vokalunga, kuenje nda u vu pokola.

LUKA 18:6

Kuenje Ñala wa linga hati, Yevi eci ca popia onganji ka ya sungulukile.

LUKA 19:8

Oco Sangeo wa talama, kuenje wa popia la Ñala, hati, A Ñala, ngeca ombandu yovikuata viange kolosuke. Nda nda pilika omunu cimue ndu ci tiuwila lukuãla.

LUKA 22:61

Kuenje Ñala wa pukuka oku vanja Petulu. Oco Petulu wa ivaluka ondaka ya Ñala ndeci a popia laye hati, Etaili o liñala lutatu osimbu ekondombolo ka lia lilile.

LUKA 24:3

Puãi, eci va iñilamo, ka va sangelemo etimba lia Ñala Yesu.

LUKA 24:34

haivo va popia vati, Ñala wa pinduka muẽle, yu wa moleha ku Simono.

LUKA 7:12

Eci a pitila ocipepi lombundi yimbo oco wa tokeka locivimbi ca tunda vimbo. Omunu waco omõla ongunga ku inaye, inaco ocimbumba, kuenje vakuimbo va lua va kala kumue laye.

LUKA 7:14

Oco oku amelako wa lamba kocikalavekua, kuenje vakuacikalavekua va talama, yu wa popia hati, Omalehe, mopia love siti, Pasuka.

LUKA 7:19

Kuenje Yoano, oku pañinya olondonge viaye vimue vivali, wa vi tuma ku Ñala, hati, Ove hẽ, ove una iya ale, ele tu lavoka umue wiñi?

LUKA 8:52

Vosi va kala loku lila kuenda oku sinumula omõla. Yesu puãi wa linga hati, Ko ka lili, momo ka file, wa pekela ño otulo.

YOANO 11:2

Maria yaco u, eye una wa wavekele Ñala onguendu ya tĩla yu wa puenya olomãi viaye lesinga liaye. Lasaru u wa vela eye mume waye.

YOANO 11:3

Oco vamukãi vaye va tuma ku Yesu vati, A Ñala, u o sole o vela.

YOANO 20:13

Vo pula vati, Okãi, o lilila nye? Eye wa va kumbulula, hati, Momo vopamo Ñala yange, kuenje oko vo kapa siko.

YOANO 20:15

Yesu wa popia laye hati, Okãi, o lilila nye? O sanda elie? Maria wa soka hati, ukuacumbo, oco wa popia laye hati, A kuku, nda wo tuala kumue, sapuile oko wo kapa, oco ndu vupeko.

YOANO 4:1

Eci Ñala a kũlĩha okuti va Fariseo va yeva okuti Yesu wa tavisa kuenda wa papatisa olondonge via lua, okuti via Yoano vi sule,

YOANO 6:23

Haimo lumue, awato akuavo a tunda ko Tibéria eya ocipepi lusenge muna va lila olombolo, cina Ñala a yi panduila.

I VA KORINDO 7:30

lava va lila va linge ndava ka va lili, ava va yolela va linge ndava ka va yolela, ava va landa va linge ndava ka va kuete,

I VA TESALONIKE 4:13

A vamanji, ka tu yongola okuti vu kala lonumbi yava va pekela vokufa, okuti vu sumua ndomanu vakuavo ka va kuete elavoko.

VA HEVERU 2:17

Oco co sesamela oku lisetahala la vamanjaye kovina viosi, okuti o linga ocitunda cinene cohenda, haico ca kolelua vupange woku vumba Suku ha ci tuvika akandu omanu.

VA HEVERU 4:15

Ka tu kuete ocitunda cinene okuti okuleñela kuetu ka ku u yevala, puãi tu kuete ocitunda ca yonjaiwa kovina viosi ndetu, haimo ka ca la linga ekandu.

LIOLONGANJI 10:16

Oco va tundisa olosuku viñi pokati kavo, kuenje va vumba Yehova. Leye ka tẽlele vali oku tutuiya ocikembe cutima waye kupongo wa Isareli.