LUKA 6:12 - Embimbiliya - Bíblia Sagrada em Umbundu

¹² Koloneke viaco Yesu wa tunda, wa enda komunda oku ka likutilila, kuenje wa likutilila ku Suku uteke wosi.

LUKA 6:12 Iomraidhean Croise

OLOSAMO 22:2

A Suku yange, kutanya mbilikiya, puãi ku nambulula, ndaño kuteke, puãi si sangi epuyuko.

ISAYA 26:9

Utima wange u ku livela uteke, haiwo u ku sandiliya otembo yosi. Momo eci olonetululo viove vi kasi kilu lieve, oco olonungi viovoluali vi lilongisa esunga.

DANIELE 6:10

Oco eci Daniele a kulĩha okuti ocisonẽhua ca kolisua, oco wa enda vonjo yaye. Olonjanela viohondo yaye via kala upulule haivio via imba ovaso ko Yerusalãi. Yu wa kekamẽla kolongolo viaye olonjanja vitatu veteke, kuenje wa lomba, loku pandula Suku yaye, ndeci a tuwa oku lingainga.

MATEO 5:1

Oco oku mola owiñi eye wa londa komunda. Eci a tumala olondonge viaye vieya kokuaye.

MATEO 6:6

Puãi ove, eci o likutilila, iñila vohondo yove kuenje oku yila epito, likutilila ku So o kasi vuyombeki, kuenje So o lete covuyombeki o ku muisa onima.

MARKO 1:35

Omẽle ociteketeke osimbu ka kua cile, oco a pasuka, wa tunda, wa enda vekalasoko, kuenje omo a likutililila.

MARKO 3:13

Noke wa londa komunda, yu wa pañinya ava a yongola, kuenje veya kokuaye.

MARKO 6:46

Eci a vosika oco wa enda komunda oku ka likutilila.

LUKA 5:16

Eye puãi wa litepa lowiñi, wa enda kekalasoko oku ka likutilila.

LUKA 6:11

Ovo puãi, onyeño ka va likuete, yu va livangula pokati eci va linga la Yesu.

LUKA 6:17

Kuenje oku lokila kumue lavo, wa talama ketapi. Kua kala owiñi wa lua woloñame viaye, kuenda omanu va lua va tunda kuosi ko Yudea lo ko Yerusalãi kuenda konele yokalunga ko Turo lo ko Sidono, veya oku u yevelela loku sakuiwa ovovei avo.

LUKA 9:18

Ca pita okuti osimbu a kala loku likutilila kulika olondonge via kala kumue laye, kuenje eye wa va pula, hati, Omanu hẽ, va nukola ndati?

LUKA 9:28

Eci a popia olondaka evi pa pita oloneke ecẽlãla oco noke wa enda la Petulu la Yoano la Tiago, kuenje va londa komunda oku ka likutilila.

LUKA 9:29

Eci a kala loku likutilila ocipala caye ca pongoloka, luwalo waye lawovo wa pongoloka, wa yela tue.

YOANO 6:3

Yesu wa londa komunda, oko a tumala lolondonge viaye.

VA KOLOSAI 4:2

Pandikisi loku likutilila. Eci vu likutilila, lavululi, kuenje kali lolopandu.

VA HEVERU 5:7

Yesu, koloneke a kala letimba, wa lomba lomba, loku likutalaila, loku liyula lasuelela ku wa tẽla oku u popela kokufa, kuenje wa yeviwa momo wa sumbila Suku.

I SAMUELE 15:11

Nda livela omo nda nola Saulu oku linga osoma, momo wa liweka oku ñuama loku pokola kovihandeleko viange. Samuele yu wa tema kuenje wa likutilila ku Suku uteke wosi.