LUKA 3:23 - Embimbiliya - Bíblia Sagrada em Umbundu

²³ Kuenje Yesu eci a fetika oku longisa, wa tẽla akui atatu kanyamo. Eye omõla a Yosefe, ndeci va soka, omõla a Heli,

LUKA 3:23 Iomraidhean Croise

EFETIKILO 41:46

Yosefe wa tẽla akui atatu kanyamo eci a fetika upange waco wa Fareo, osoma ye Egito. Oco Yosefe wa tunda lomoko ya Fareo ha ñuala ñuale kovikanjo viosi vie Egito.

II SAMUELE 5:4

Daviti wa kala lanyamo akui atatu eci a fetika oku viala. Wa viala akui akuãla kalima.

ATENDELO 4:3

Va tenda tunda kuava va kuete akuĩ atatu kanyamo toke kuava va kuete akuĩ atãlo kanyamo, okuti ava va tẽla oku kala vocisoko cava va linga upange wovombalaka yoku ñualehela la Yehova.

ATENDELO 4:35

Va va tenda tunde kuava va kuete akuĩ atatu kanyamo toke kuava va kuete akuĩ atãlo kanyamo, okuti ava va tẽla oku kala vocisoko cava va linga upange wovombalaka yoku ñualẽhẽla la Yehova.

ATENDELO 4:39

Va va tenda tunde kuava va kuete akui atatu kanyamo toke kuava va kuete akui atãlo kanyamo, okuti ava va tẽla oku kala vocisoko cava va linga upange wovombalaka yoku ñualehela la Yehova.

ATENDELO 4:43

Va va tenda okuti tundi kuava va kuete akui atatu kanyamo toke kuava va kuete akui atãlo kanyamo, okuti ava va tẽla oku kala vocisoko cava va linga upange wovombalaka yoku ñualehela la Yehova.

ATENDELO 4:47

Va va tenda tunde kuava va kuete akuĩ atatu kanyamo toke kuava va kuete akuĩ atãlo kanyamo. Ava va tendiwa ovo vana va tẽla oku kala vocisoko cava va linga upange wovombalaka yoku ñualehela la Yehova lowu woku ambata ovitele.

MATEO 1:1

Elivulu liocikoti ca Yesu Kristu, omõla a Daviti, omõla a Avirahama.

MATEO 1:16

Yakoba wa cita Yosefe; veya a Maria, haeye ina ya Yesu wa tukuiwa Kristu.

MATEO 1:6

Jese wa cita Soma Daviti. Daviti wa cita lukãi wa Uriya Salomone;

MATEO 13:55

U siti omõla a carpinteiro? Inaye siti, Maria? Vamanjaye siti, Tiago la Yosefe la Simono la Yuda?

MATEO 4:17

Tunde opo Yesu wa fetika oku kunda hati, Likekembeli akandu ene, momo usoma wokilu u kasi ocipepi.

MARKO 6:3

U siti carpinteiro, omõla a Maria, huva a Tiago la Yose kuenda Yuda la Simono? Vamukãi vaye hẽ, ka va kasi letu kulo? Kuenje va tatamisiwa laye.

LUKA 2:48

Eci vo mola va lisalukako kuenje inaye wo pula, hati, Amõlange, nye wa tu ci lingila? Tala, ame la so tua ku sanda lohele ya lua.

LUKA 3:31

omõla a Melea, omõla a Mena, omõla a Matata, omõla a Natana, omõla a Daviti,

LUKA 4:22

Kuenje vosi vo wimbila uvangi uwa, kuenje va komoha olondaka via posoka via tunda vomẽla waye. Va linga vati, Heyeko omõla a Yosefe?

YOANO 1:45

Filipu wa sanga Nataneli, kuenje wa popia laye hati, Tua sanga una Mose a tukula vovihandeleko, kuenda ovaprofeto vo tukulavo, okuti Yesu, omõla a Yosefe ukuimbo lia Nasara.

YOANO 6:42

Kuenje vati, Heyeko hẽ Yesu, omõla a Yosefe, isiaye la inaye tu vai? Kaliye o popia ndati hati, Nda tunda kilu?

OVILINGA 1:1

A Teofilo, velivulu liatete nda lombolola ovina viosi Yesu a fetika oku linga loku longisa,