LUKA 3:16 - Embimbiliya - Bíblia Sagrada em Umbundu

¹⁶ oco Yoano wa kumbulula vosi, hati, Ame ndu papatisi lovava, puãi kuiya u wa mbelapo okuti ame ndi sule, ame si sesamela oku itula olonjita violohaku viaye. Eye u papatisi le Espiritu Sandu kuenda ondalu.

LUKA 3:16 Iomraidhean Croise

OLOSAPO 1:23

Yevi okutembula kuange. Ndu situluili utima wange. Ndu sapuili olondaka viange.

ISAYA 32:15

toke Espiritu o tunda kilu o tu sukumũhĩla, kuenje ekalasoko li linga epia liwa, lepia liwa li linga esisi.

ISAYA 4:4

eci Ñala a sukula eliño liomãla va Siono akãi, leci a yelisa atime osonde a kasi vokati ka Yerusalãi, oku ci linga lofela yepiso kuenda ofela yoku nyõla.

ESEKIELE 36:25

Oco ndu nyĩli ovava a yela okuti vu yelisua kevĩho liene liosi. Ndu yelisi koviteka viene viosi.

SAKARIYA 13:9

Kuenje onepa yaco ndi yi pitisa vondalu. Ndi va yelisa ndoku yelisa opalata, loku va nyika ndoku nyika ulu. Va vilikiya onduko yange kuenje ndi va kumbulula. Ndinga siti, Ovo omanu vange. Lovo va popia vati, Yehova eye Suku yange.

MATEO 3:11

Ame ndu papatisili vovava, oku vu papatisila epongoloko liutima, puãi u o ñuai vonyima wa mbelapo. Sia sungulukilile oku ambata olohaku viaye. Eye u papatisili le Espiritu Sandu londalu.

MATEO 3:12

Ocipekulo caye ci li peka liaye. O yelisa ocimbandi caye. Unguila otiliku yaye vosila, puãi o yoka ovinene londalu ka yimiwa.

YOANO 1:26

Yoano wa kumbulula hati, Ame mapatisa lovava. Puãi pokati kene pa tãi umue ka wo kũlĩhili.

YOANO 1:27

Kuenje ame, ndaño nda livanga okuti eye wa ñuama, haimo si sesamela oku kutulula olunjita luoluhaku luaye.

YOANO 1:33

Ame muẽle sio kũlĩhile, puãi, u wa numa oku papatisa lovava wa popia lame hati, U u moli okuti Espiritu u lokila kuenje u wila, eye o papataisa le Espiritu Sandu.

YOANO 7:38

U o ñolela, vutima waye mu tunda olondui viovava omuenyo, ndeci ca popia ovisonehua.

OVILINGA 1:5

Momo Yoano wa papataisa lovava, puãi ene, kovaso yoloneke vimue ño, vu papatisiwa le Espiritu Sandu.

OVILINGA 10:44

Osimbu Petulu a kala loku popia olondaka evi oco Espiritu Sandu wa wila omanu vosi va yeva ondaka.

OVILINGA 2:33

Omo a yeluiwa londio ya Suku, lomo a tambula ku Isia ohuminyo ye Espiritu Sandu, oco wa tu sukumuila eci vu lete leci vu yevite.

I VA KORINDO 12:13

Momo etu vosi tua papatisiwila le Espiritu limuamue vetimba limuamue, ndaño tu va Yudea, ndaño tu va Helasi, ndaño tuapika, ndaño tumãla vamãle, kuenje vosi tua nyuisua Espiritu limuamue.