LUKA 2:4 - Embimbiliya - Bíblia Sagrada em Umbundu

⁴ Kuenje Yosefe wa tunda ko Nasara yo vo Galilea, wa enda ko Yudea, kimbo lia Daviti, onduko yalio Beteleme, momo eye ukuepata lia Daviti.

LUKA 2:4 Iomraidhean Croise

EFETIKILO 35:19

Oco Rahele wa fa, kuenje vo kenda konjila yoku enda ko Efarata, haiko ko Beteleme.

EFETIKILO 48:7

Momo eci nda tunda ko Padana oco Rahele wa fila vofeka ya Kanana konjila eci pa kamba ño naito oku pitila ke Efarata. Ndo kenda kuna konjila yo ke Efarata, haiko ko Beteleme.

MIKA 5:2

Puãi ove, a-Beteleme Efarata, ove o sule pokati kapata a Yuda, kokuove ku nundila u o linga ombiali ya Isareli. Ocikoti caye ca tunda kosiãhũlu, koloneke viale.

MATEO 1:20

Puãi, osimbu a sokolola ovina evi, ungelo wa Yehova wo tukulukila konjoi, wa linga hati, A Yosefe, amõla a Daviti, ku ka kale lohele yoku kuela ukãi wove Maria, momo wa ihiwa imo le Espiritu Sandu,

MATEO 2:23

Kuenje wa enda, wa tunga vimbo lia tukuiwa Nasara, oco yi lingiwe ondaka ya popiwa luprofeto, yokuti, O tukuiwa u Nasara.

LUKA 2:3

Oco vosi va enda oku ka lisonehisa, u kimbo liavo, u kimbo liavo.

LUKA 2:5

Wa ka lisonehisa kumue la Maria ondombua yaye, haeye wa kulilua.

LUKA 4:16

Noke weya ko Nasara kuna a tekuiwila, kuenje, ndeci a tuwa, kesambata wa iñila vosunangonga. Yu wa votoka oku tanga,

YOANO 1:46

Nataneli wo pula hati, Ko Nasara hẽ, ku tunda cimue ciwa? Filipu wo kumbulula hati, Enju, ndo tale.

YOANO 7:42

Ocisonehua hẽ, ka ca popele citi, Mesiya ukuambuto ya Daviti, o tunda ko Beteleme, kimbo oko kua tungile Daviti?

RUTI 1:19

Oco kavali kavo va enda ño toke va pitila ko Beteleme. Eci va pitila ko Beteleme oco imbo liosi lia va yolela. Akãi va pula vati, U hẽ Naomi ale?

RUTI 2:4

Kuenje ota, Boasi u Beteleme wa popia lavakuakuungula hati, Yehova a kale lene. Ovo vo kumbulula vati, Yehova a ku sumũluise.

RUTI 4:11

Kuenje omanu vosi va kala vepandavelo, kumosi lakulu, vati, Tulombangi. Lukãi waco iñila vonjo yove Yehova o sokise la Rahele kuenda Lea, vana vavali va tunga ocili onjo ya Isareli. Lovevo amamako koku kala ciwa ve Efarata. Kemãla vo Beteleme.

RUTI 4:17

Oco akãi va lisungue laye vo sapa onduko vati, Ku Naomi kua citiwa omõla ulume. Kuenje vo luka onduko vati, Ovede. Eye isia ya Jese, isia ya Daviti.

I SAMUELE 16:1

Yehova wa popia la Samuele hati, Oloneke viñami o sumuĩla Saulu? Siti ame ndo pañula okuti ka lingi vali osoma ya va Isareli. Yukisa ombinga yove lulela. Kuende. Hu tuma ku Jese u Beteleme momo pokati komãla vaye valume opo nda linolẽla osoma.

I SAMUELE 16:4

Samuele wa linga eci Yehova a popia kuenje weya ko Beteleme. Akulu vimbo veya oku wupilila loku luluma, vati, Weya lombembua?

I SAMUELE 17:12

Daviti eye wa kala omõla wu Efirata umue u Beteleme yovo yudea, onduko yaye Jese. Wa kala lomãla valume ecẽlãla. Voloneke via Saulu eye wa kukale, anyamo aye a lua.

I SAMUELE 17:58

Saulu wo pula hati, Amõlange, ove wumõla elie? Daviti wo kumbulula hati, Ndimõla ukuenje wove Jese, u Beteleme.

I SAMUELE 20:6

Nda so o mula, popia huti, Daviti wa minga oku enda kimbo liavo ko Beteleme momo oko kuli ocilumba cepata liavo, cimue ci lumbaiwa ulima kulima.