LUKA 2:11 - Embimbiliya - Bíblia Sagrada em Umbundu

¹¹ Momo etaili vimbo lia Daviti muo citilui Upopeli, eye Kristu Ñala.

LUKA 2:11 Iomraidhean Croise

EFETIKILO 3:15

Ñapa ukuse pokati kene, love lukãi, lo pokati kombuto yove lombuto yaye. Eye o sasõla utue wove, kuenje ove u lumana kocisendemãi.

EFETIKILO 49:10

Ombueti yonanelo ka yi tundi ku Yuda, ndaño onganji kovitumbulukila viaye, toke Ukuambembua iya, kuenje omanu va pokola kokuaye.

OLOSAMO 2:2

Olosoma viokilu lieve via lipongiya. Olombiali vi tumbika ongombo Yehova lombuavekua yaye, viti,

ISAYA 9:6

Momo omõla wa tu citilua, omõla ulume wa tu ĩhĩwa, kuenje uviali u kala kovitãi viaye. Onduko yaye, o tukuiwa Cikomo, Ndunguli, Suku Eye Fũ, Isia kapui, Soma yombembua.

MATEO 1:16

Yakoba wa cita Yosefe; veya a Maria, haeye ina ya Yesu wa tukuiwa Kristu.

MATEO 1:21

kuenje o cita omõla ulume, u luka Yesu momo eye o popela omanu vaye kakandu avo.

MATEO 16:16

Kuenje Simono Petulu wo kumbulula hati, Ove vu Kristu, vumõla a Suku o kasi lomuenyo.

MATEO 16:20

Oco a lemela olondonge viaye hati, Ko ka sapuili umue okuti ame Kristu.

LUKA 1:43

Ame nda noliwila nye okuti ina ya Ñala yange iya kokuange?

LUKA 1:69

Wa tu katuila onjovoli ya pama vonjo yukuenje waye Daviti,

LUKA 2:26

Co situluilua le Espiritu Sandu okuti ka moli okufa te tete wa mola Mesiya ya Ñala.

LUKA 2:4

Kuenje Yosefe wa tunda ko Nasara yo vo Galilea, wa enda ko Yudea, kimbo lia Daviti, onduko yalio Beteleme, momo eye ukuepata lia Daviti.

YOANO 1:41

Eye wa sanga tete manjaye Simono, yu wa popia laye hati, Tua sanga Mesiya, ca lomboloka, Kristu.

YOANO 1:45

Filipu wa sanga Nataneli, kuenje wa popia laye hati, Tua sanga una Mose a tukula vovihandeleko, kuenda ovaprofeto vo tukulavo, okuti Yesu, omõla a Yosefe ukuimbo lia Nasara.

YOANO 11:27

Marta wo kumbulula hati, Oco, a Ñala, nda kolela ale okuti vu Kristu, vu Mõla a Suku, haive una iya voluali.

YOANO 20:31

Puãi ovina evi via sonehiwila okuti vu kolela okuti Yesu eye Kristu, haeye Mõla a Suku, kuenje, omo wa koleli, oco vu muila omuenyo ko pui vonduko yaye.

YOANO 4:25

Ukãi wa popia laye hati, Ndi ci okuti Mesiya, una wa tukuiwa Kristu, iya. Eci eya o tu sapuila ovina viosi.

YOANO 4:42

Oco va popia lukãi vati, Cilo ka tua tavelelele ño olondaka viove, momo tua liyevela etu muẽle, kuenje tua limbuka okuti ocili eye Upopeli woluali.

YOANO 6:69

Etu tua kolela, kuenda tua limbuka okuti ove U o kola wa Suku.

YOANO 7:41

Vakuavo vati, Eye o Mesiya. Puãi vamue vati, Mesiya nga o tunda ko Galilea?

OVILINGA 10:36

Wa kũlĩhi ondaka Suku a tuma ku va Isareli, ndomo a kundika Yesu Kristu, haeye Ñala ya vosi, oku kunda ondaka yiwa yombembua.

OVILINGA 13:23

Suku wopa kombuto ya Daviti onjovoli ya Isareli yokuti Yesu, ndeci a likuminya.

OVILINGA 17:3

Wa lombolola, kuenda wa lekisa okuti Mesiya, co sokiyilua oku tala ohali loku pinduka ku vakuavilangu. Noke wa teta onimbu hati, Yesu u ñasi loku u vu lomboluila, eye Mesiya.

OVILINGA 2:36

Oco, epata liosi lia Isareli li limbuke okuti ocili, u Yesu, una ene wa valeli kekulusu, Suku wo lingisa Ñala kuenda Kristu.

OVILINGA 5:31

haeye Suku a kemalisila kondio yaye ha lingi Njalu kuenda Upopeli oku eca ku va Isareli oku likekembela akandu longecelo yao.

I VA KORINDO 15:47

Omunu watete wa tunda posi, ukuaposi; omunu wavali wa tunda kilu.

VA FILIPOI 2:11

kuenda okuti alimi osi a tava okuti Yesu Kristu eye Ñala, loku muisa Suku Tate ulamba.

VA FILIPOI 3:8

Cilo, oku popia ocili, omo kokuange oku kũlĩha Kristu Yesu, Ñala yange, okuo kua velapo, haikuo ka ku pitahãliwa, oco cosi cikuavo ndi ci tenda ño ndepese. Ndo pesila ovina viosi. Ovina viosi ndi vi tenda ño ndovipelekese hã si nganyala Kristu,

VA KOLOSAI 2:6

Oco, ndeci wa tambuli Kristu Yesu, haeye Ñala, haico cilo kolisiko oku endaenda laye.

I YOANO 4:14

Letu tua mola, kuenje tu imba uvangi okuti, Isiaco wa tuma Omõlaye ha lingi Upopeli woluali.

I YOANO 5:1

Wosi o tava okuti Yesu eye Mesiya eye wa citiwa la Suku, kuenda wosi o sole onjali o solevo omõla.