LUKA 11:9 - Embimbiliya - Bíblia Sagrada em Umbundu

⁹ Kuenje mopia lene siti, Pingi kuenje cu wihiwi, vanjiliyi kuenje vu sanga, totoli, kuenje vo yikuluili.

LUKA 11:9 Iomraidhean Croise

OLOSAMO 118:5

Eci nda sakalala nda vilikiya Yehova. Yehova wa nambulula kuenje wa numbika oko kua tanda.

OLOSAMO 27:4

Cimosi nda lomba ku Yehova, oco sandiliya, ceci, cokuti ñala vonjo ya Yehova oloneke viosi viomuenyo wange, si tala tala unumbu wa Yehova, loku likutilila vonembele yaye.

OLOSAMO 27:8

Wa popia huti, Vanjiliyi ocipala cange. Utima wange wa ku tambulula wuti, Ocipala cove, a Yehova, ndi ci vanjiliya.

OLOSAMO 34:10

Omãla volohosi olonjanja va kamba eci va lia, kuenje va lambuka. Ava puãi va sanda Yehova lacimue ciwa va sukila.

OLOSAMO 34:4

Nda sanda Yehova kuenje wa nambulula, wa mopela kovinjoko viange viosi.

OLOSAMO 50:15

kuenje mbilikiye keteke liohali. Ame hu popela, love o mandula.

OCISUNGO CA SALOMONE 5:6

Nda yuluila ukuacisola cange, puãi muẽle wa tundako, wa enda. Eci a popia utima wange wa sakalala. Ndo sanda, puãi sia tẽlele oku u sanga. Ndo vilikiya, puãi ekumbululo sio.

ISAYA 45:19

Sia popele uyombeki, pamue vofeka yowelema. Sia popele lombuto ya Yakoba siti, Sandiliyi vesanda. Ame ndi Yehova, mopia ocili, sapula ovina viesunga.

YEREMIYA 29:12

Kotembo yaco vu mbilikiya; wiyi oku likutilila kokuange, kuenje ndu yevi.

YEREMIYA 33:3

Mbilikiye kuenje hu kumbulula, hu lekisa ovina vimue vinene haivio via sitikiwa okuti ove kua vi kũlĩhĩle.

DANIELE 9:3

Oco nda likapela oku vanja ku Yehova Suku, siu sandiliya lalombelo lafelevelo, loku likandangiya okulia loku wala ovikẽlẽyi loku sieketa etiko.

MATEO 21:22

Kuenje nda vu kuete ekolelo, cosi vu pinga poku likutilila vu ci tambula.

MATEO 21:31

Pokati ka vavali vaco, u wa linga ocipango ca isiaye helie? Vati, Yu watete. Yesu wa popia lavo hati, Mopia lene siti, Ocili, vakuakutambula elisimu la vakahonga va livanga oku iñila vusoma wa Suku osimbu ene ka wa iñilili handi.

MATEO 6:29

Haimo lumue ndu sapuili siti, Ndaño Salomone vulamba waye wosi ka la wala uwalo wa posoka ndowu woneleho yimue pokati kavio.

MARKO 11:24

Oco mopia lene siti, Ovina viosi vu likutilila loku vi pinga, koleli okuti vu vi mola kuenje vu vi mola muẽle.

MARKO 13:37

Oco eci mopia lene haico mopia la vosi, siti, Lavululi.

LUKA 11:10

Momo wosi o pinga, o tambula; u o vanjiliya, o sanga; u o totola, vo yikuluila.

YOANO 14:13

Kuenje cosi vu pingila vonduko yange ndi ci linga, okuti Isia o muisua ulamba ku Mõla.

YOANO 15:16

Heneko wa mbali, ame muẽle ndo vali, kuenje ndo tukuili okuti wendi ha wimi epako, lepako liaco li kala. Oco cosi vu pinga ku Isia vonduko yange u ciha.

YOANO 15:7

Nda vu kala vokuange kuenje olondaka viange vi kala vokuene, pingi cosi vu yongola kuenje cu lingilua.

YOANO 4:10

Yesu wo kumbulula hati, Nda wa kũlĩhile ocali ca Suku kuenda u o popia love hati, Nyiheko ovava oku nyua, nda wo pingile, kuenje eye nda wa ku iha ovava omuenyo.

VA ROMA 2:7

Ava va pandakaisa kovopange awa oku sanda ulamba lekemainyo lomuenyo ko pui, o va muisa omuenyo ko pui.

II VA KORINDO 6:2

Momo eye wa popia hati, Nda ku yeva kotembo ya sunguluka, keteke lieyovo nda ku ohela. Oco limbuki okuti yilo oyo otembo yaco ya sunguluka, leteke lilo olio eteke liaco lieyovo.

VA HEVERU 11:6

Okusunguluka ku Suku ka ku tẽliwa te lekolelo. Momo wosi o yongola oku kokela ku Suku, co sesamela oku kolela okuti kuli Suku, kuenda okuti Suku eca onima kuava vo sanda.

VA HEVERU 4:16

Oco, tu kokeli lutõi kocalo cocali, okuti tu mola ohenda loku sanga ocali ci tu kuatisa eci tu sukila oku kuatisiwa.

TIAGO 1:5

Nda umue pokati kene wa kamba olondunge a pinge ku Suku, u ecaeca komanu vosi ocali, halocikundoko, kuenje vi eciwa kokuaye.

TIAGO 5:15

Kuenje ohutililo yekolelo yi popela u o vela, kuenje Ñala u pindula, kuenda vali, nda wa linga akandu ecelua.

I YOANO 3:22

Kuenje cosi tu pinga kokuaye tu ci tambula, momo tu pokola kovihandeleko viaye loku linga ovina viu sanjuisa.

ESITULUILO 2:24

Puãi ene wa supipo vo Tuatera, okuti ene ka wa taveli kovilongua viukãi waco, haene ka wa lilongisili eci ca tukuiwa la vamue ovina via longa via Satana, mopia lene, siti, Siu tuiki ocilemo cimue cikuavo.