LUKA 11:2 - Embimbiliya - Bíblia Sagrada em Umbundu

² Yu wa popia lavo hati, Eci vu likutilila lingi hoti, A Tate, onduko yove yi sumbiwe. Usoma wove wiye.

LUKA 11:2 Iomraidhean Croise

I OLOSOMA 8:43

ove, kilu, kocitumãlo cove, yevelela, kuenje cosi ukombe waco a ku pinga, u ciha. Oco omanu vosi vo kilu lieve va kulihe onduko yove ha va ku sumbi ndeci ca ku sumba omanu vove va Isareli, loku kulĩha okuti onjo yilo nda tunga, yi tukuiwa londuko yove.

II OLOSOMA 19:19

Kaliye, a Yehova Suku yetu, hu livondela, tu popele peka liaye, oco ovosoma osi okilu lieve a limbuke okuti ove Yehova Suku, ove lika wove.

II ASAPULO 20:6

Yu wa popia hati, A Yehova, Suku yolosekulu vietu, haveko hẽ Suku kilu? Haveko hẽ o viala ovosoma osi olofeka? Peka liove pali unene lupami, kuenje lomue o tela oku tamalala love.

OLOSAMO 103:20

Sivayi Yehova, ene avangelo vaye, uvakuolohõlo via piãla wu lingainga ondaka yaye. Wuvakuakutava kupopi wondaka yaye.

OLOSAMO 108:5

Tulamela ilu, a Suku. Ulamba wove u tulamele ilu lieve liosi.

OLOSAMO 11:4

Yehova o kasi vonembele yaye yi kola. Ocalo ca Yehova ci kasi vilu. Ovaso aye a tala tala omãla vomanu, ovisokopia viaye vi va seteka.

OLOSAMO 57:11

Tulamela ilu, a Suku. Ulamba wove u tulamele ilu lieve liosi.

UKUNDI 5:2

Ku ka linge osiata lomẽla wove, ku ka tave okuti utima wove u tukuila lonjanga ondaka yimue kovaso a Suku; momo Suku o kasi kilu kuenda ove o kasi palo posi; oco olondaka viove vi linge viñamiñami.

ISAYA 63:16

Momo vuisietu, ndaño Avirahama ka tu kulĩhĩle kuenda Isareli ka tuĩvo. Ove u Yehova vuisietu. Tunde kosiãhũlu ove o tukuiwa Njovoliyetu.

ESEKIELE 36:23

Lame ñolisa okukola kuonduko yange yinene, yina ya vĩhĩsiwile pokati kolofeka, yina ene muẽle wa yi vĩhĩsisili pokati kavo. Kuenje olofeka vi limbuka okuti ame ndi Yehova eci okukola kuange ku kolisua kovaso avo mekonda liokukala kuange pokati kene. Ñala Yehova wa ci popia.

DANIELE 2:28

Puãi kilu kuli Suku ukuakusitulula alumbu, kuenje haeye wa lekisa ku Soma eci ci kala koloneke viesulilo. Onjoi yove lovinjonde wa vi muĩla pula wove vievi:

DANIELE 2:44

Koloneke violosoma viaco, Suku yokilu o katula usoma, kuenje ka u nyolẽha, ka u tambuiwa lomanu vofeka yiñi; puãi owo u nyõla loku lia ovosoma aco osi, haiwo u kala muẽle hũ oloneke ka vi pui.

DANIELE 7:18

Puãi olosandu via Tõlo vi tambula usoma, haivio vi kala hũ lusoma waco oloneke ka vi pui.

DANIELE 7:27

Usoma luviali kuenda unene wovosoma osi vemẽhi lilu weciwa kepata liolosandu via Tõlo. Usoma waye ka u pui, kuenje ovoviali osi o vumba loku pokola kokuaye.

HOSEA 14:2

Pongiyi olondaka vioku enda lavio. Tiukili ku Yehova. Popi laye, hoti, Tupe evĩho liosi, tambula esunga li sialapo kuenje tu ku lumbila olondaka viovimẽla vietu, olonãle havioko.

OVISILA 10:3

Oco Mose wa popia la Arone hati, Ca popia Yehova ceci, hati, Kuava va kasi ocipepi lame, ndi lilekisa okuti ñola. Muisua ulamba kovaso omanu vosi. Arone woha ño ne.

OVISILA 22:23

Onale pamue omeme yi kasi locimatamata cimue ca vandekako pamue ca kambapo, oku yi lumba ocilumba cocipango, ci tava, puãi oku yi lumba ocilumba cohuminyo ka ci tava.

HAVAKUKI 2:14

Momo oluali lu yuka ukũlĩhĩso wulamba wa Yehova ndeci ovava e yuka vokalunga.

MATEO 10:32

Wosi o njimbila uvangi kovaso omanu ame ndu wimbila uvangi kovaso a Tate o kasi kilu.

MATEO 3:2

Likekembeli akandu ene momo usoma wokilu u kasi ocipepi.

MATEO 5:16

Ocinyi cene ci taimile ndoco kovaso omanu okuti va mola ovilinga viene viwa kuenje va sivaya Isiene o kasi kilu.

LUKA 11:1

Yesu wa kala kumue loku likutilila, kuenje eci a mala, yimue polondonge viaye ya popia laye yiti, A Ñala, tu longise oku likutilila ndeci Yoano a longisa olondonge viaye.

VA ROMA 1:7

Ñasi loku sonehela va Roma vosi va soliwa la Suku, haivo va tukuiwa olosandu. Ocali lombembua ya Suku Isietu leyi ya Ñala Yesu Kristu, yi kale lene.

VA ROMA 8:15

Momo ka wa tambuili espiritu liupika okuti vu kala vali lusumba, puãi wa tambuli espiritu liomangu yomõla, lina tu vilikiya lalio tuti, Aba, A Tate,

I VA KORINDO 1:3

Ocali lombembua yi tunda ku Suku Isietu lo ku Ñala Yesu Kristu yi kale lene.

II VA KORINDO 1:2

Ocali lombembua ya Suku Isietu la Ñala Yesu Kristu yi kale lene.

VA GALATIA 1:4

u wa liecela akandu etu ha tu popela kotembo yilo yĩvi, ndeci ca panga Suku Isietu.

VA EFESO 1:2

Ocali lombembua yi tunda ku Suku Isietu, kuenda ku Ñala yetu Yesu Kristu, yi kale lene.

VA FILIPOI 1:2

Ocali lombembua yina yi tunda ku Suku Tate kuenda ku Ñala Yesu Kristu, yi kale lene.

VA FILIPOI 4:20

Kaliye ku Suku, haeye Isietu, ku kale ulamba oloneke vi enda ño-o hũ. Amene.

VA KOLOSAI 1:2

tu sonehela olosandu, haivo vamanji va kolelua vu Kristu va kasi ko Kolosai. Ocali lombembua yi tunda ku Suku Isietu yi kale lene.

I VA TESALONIKE 1:1

Ame ndi Paulu, la Siluano, kuenda Timoteo, Tu sonehela ekongelo lia Kristu lia va Tesalonike li kasi vu Suku Isia kuenda vu Ñala Yesu Kristu. Kokuene ku kale ocali lombembua.

I VA TESALONIKE 1:3

Kovaso a Suku Isia tu ivaloka upange wene wekolelo, lovilinga viene viocisola, kuenda ndomo elavoko vu kasi lalio vu Ñala yetu Yesu Kristu vu li kuetele epandi.

II VA TESALONIKE 2:16

Kaliye, Ñala yetu Yesu Kristu eye muẽle, kuenda Suku Isietu, u wa tu sola, haeye, mekonda liocali caye, wa tu iha elembeleko ka li pui lelavoko liwa,

ESITULUILO 11:15

Oco ungelo wepanduvali wa sika olumbeta, kuenje kilu kua yevala olondaka vinene, viti, Uviali woluali wa linga uviali wa Suku yetu kuenda wa Kristu waye. Eye o viala oloneke vi enda ño-o hũ, ka vi pui.

ESITULUILO 15:4

A Yehova, u ka tava oku ku sumbila loku tumbangiya onduko yove, helie? Momo ove lika o kola. Olofeka viosi viya, vi ku fendela, momo okutetulula kuove kua moleha.

ESITULUILO 19:6

Oco nda yeva cimue ca soka ndonjuvungo yowiñi wa lua, pamue ndokuõla kuovava a lua, pamue ndondaka yovilemĩlo via piãla, ya linga yiti, Aleluya! Momo Ñala Suku yetu Tõlo, o kasi loku viala.

ESITULUILO 20:4

Noke nda mola ovialo, kuenje kovialo viaco kua tumala ava va ihiwa omoko yoku tetulula. Nda molavo ovilelembia viava va topuiwa omo va imbila Yesu uvangi, kuenda va kolela ondaka ya Suku, haivo ka va fendelele ocinyama pamue ociñumañuma caco, kuenje ka va kapiwile ondimbukiso yaco kovipala viavo lo kovaka avo. Ovo va kuata vali omuenyo, kuenje va viala kumue la Kristu ohũlũkãi yanyamo.