LUKA 10:2 - Embimbiliya - Bíblia Sagrada em Umbundu

² Kuenje wa popia lavo hati, Oku ungula kua lua, puãi olondingupange viñamiñami. Oco, pingi ku Ñala yoku ungula oco a tume olondingupange koku ungula kuaye.

LUKA 10:2 Iomraidhean Croise

I OLOSOMA 18:22

Oco Eliya wa popia lomanu hati, Ame, ame lika nduprofeto wa Yehova, nda supapo. Puãi ovaprofeto va Baale va soka ovita vikuãla lakui atãlo kalume.

OLOSAMO 68:11

Yehova eca ondaka, lava va yi sapula valua, yiti,

YEREMIYA 3:15

Ndu wĩhi ovangombo vakuotima wange ha vo tekuli lolondunge kuenda ukũlĩhĩso.

SAKARIYA 11:17

Ungombo wange wesanda o yanduluka ocunda, ngongo yaye. Osipata yi vete okuokuo kuaye liso liaye liondio. Okuokuo kuaye ku siõsie muẽle! Liso liaye liondio ka li ka mõle vali!

SAKARIYA 11:5

Ava va vi landa va vi ponda ño, loku yambuiwa lakamue. Lava va vi landisa va popia, vati, Suku a sivayiwe omo nda limuisa. Kuenje ovangombo vavio muẽle ka va vi kuetele ohenda.

ATENDELO 11:17

Ame ndoka kuenje njiya, mbanguilako love. Njupa ke Espiritu li kasi kokuove, kuenje ndi li kapa kokuavo, oco va ku kuatise oku ambata ocilemo comanu, kuenje ku cambata lika wove.

ATENDELO 11:29

Mose wa popia laye hati, O va kuetele ohele lame? Ciwa nda Yehova o kapa komanu vosi Espiritu liaye okuti va linga aprofeto.

MATEO 20:1

Momo Usoma wokilu wa soka ndomunu muẽleonjo wa tunda omẽle ociteketeke oku pañinya olondingupange ha vi talavaya vocumbo caye cayuva.

MARKO 13:34

Ci soka ndomunu enda ungende, eci a tunda vonjo yaye, eca ovikele kakuenje vaye, u upange waye, u upange waye, kuenje o handeleka ukuambundi oku lavulula.

MARKO 16:15

Kuenje wa popia lavo hati, Kuendi kuosi kilu lieve. Kundi ondaka yiwa koviluvo viosi.

MARKO 16:20

Oco va tunda, va kundila kuosi. Ñala wa talavaya lavo kuenje wa kolisa ondaka lovilimbu viaco. Amene.

LUKA 9:1

Noke wongolola ekui liaco la vavali, yu wa va iha unene lomoko yoku tundisa ovilũlu viosi, leyi yoku sakula ovovei.

OVILINGA 11:19

Ava va sandokaila ekangiso lina lia fetikila ku Stefano, va enda toke ko Foinike lo ko Kupro lo ka Antiokea. Ka va kundilile ondaka yaco omanu vakuavo te va Yudea lika.

OVILINGA 13:2

Osimbu va kala loku likutilila ku Ñala loku likandangiya okulia, oco Espiritu Sandu wa linga hati, Nepelipo Barnaba la Saulu ha va lingi upange nda va kovongela.

OVILINGA 13:4

Oco va tumiwa le Espiritu Sandu. Oku fetika ungende va lokila ko Selukia, oku tunda ko Selukia va endela vonaviyu toke ko Kupro.

OVILINGA 20:28

Lilavi ene muẽle. Lavivo ocunda cosi Espiritu Sandu wo ci kapeli angombo, okuti vu lisa lisa ekongelo lia Ñala lina a landa losonde yaye.

OVILINGA 22:21

Ñala puai wa popia lame, hati, Kuende, momo hu tuma kupãla ku vakualofeka.

OVILINGA 8:4

Oco ava va sandoka va ñuala ñuala loku kunda ondaka.

I VA KORINDO 12:28

Suku wa kapa vekongelo liaye, tete ovapostolo, vali ovaprofeto, tatu alongisi, noke vakuakulinga ovilimbu, noke vakuakusakula, noke oloñuatisi, noke asongui, noke vava va popia alimi aiñi aiñi.

I VA KORINDO 15:10

Puãi, locali ca Suku, ñasi ndeci ñasi. Ocali caye kokuange ka ca ndingililile esanda. Koku talavaya nda piãla vosi. Ame hameko puãi, te ocali ca Suku ci kasi lame.

II VA KORINDO 6:1

Oco, poku talavayela kumuamue laye, tu vu peya okuti ka vu tambula ocali ca Suku leselula.

VA FILIPOI 2:21

Vakuavo vosi va sakalalaela ovina viavo muẽle, ovina via Kristu Yesu havioko.

VA FILIPOI 2:25

Cilo nda sima siti, Esunga oku tuma ndopo manjange Epafrodito, haeye ukuetu kupange, haeye esualali kumue lame. Eye weyile ndomunga yene oku ñuatisa kusuke wange.

VA FILIPOI 2:30

Momo, pa kambele ño naito, nda wa fila upange wa Kristu. Wa likolisila oku tẽlisa onjongole yene yoku ñuatisa, ndaño wa enda lomuenyo waye peka.

VA KOLOSAI 1:29

Oco nda litumbikila, haico ndi ci likolisila lolohõlo viosi eye a nyiha lunene waye.

VA KOLOSAI 4:12

Ukuẽle u Kolosai, Epafra, haeye ukuenje wa Kristu Yesu, wo lami. Eye ka liweka oku vu likutalaila okuti vu talama ngo vocipango ca Suku loku linga ndomanu vendamba vetavo lia Kristu, nda kuiya nye, nda kuiya nye.

I VA TESALONIKE 2:9

Momo, a vamanji, wa ivaluki ndomo tua sakalala muẽle lupange. Tua talavaya uteke lutanya okuti ka tu sakalaisa umue pokati kene osimbu tuo kundili ondaka yiwa ya Suku.

I VA TESALONIKE 5:12

Puãi, a vamanji, tu vu vetiya okuti vu sumbila ava va linga upange pokati kene, haivo vo songuili vu Ñala loku vu lungula.

II VA TESALONIKE 3:1

Oku sulila, a vamanji, tu pinga okuti vu tu likutilila okuti ondaka ya Ñala yi endelela loku mola ulamba ndeci yo mola pokati kene.

I TIMOTEO 4:10

Momo oco ocimãho tua loña, haico tu yakela, momo elavoko lietu li kasi ku Suku o kasi lomuenyo. Eye Upopeli womanu vosi, puãi, ca piãla, wava va kolela.

II TIMOTEO 4:5

Ove puãi, lilava kovina viosi. Pandikisa kohali. Linga ukundi wondaka yiwa. Tẽlisa ocikundi cupange wove.

FILEMONE 1:1

Ame ndi Paulu, haime nda lingila Yesu Kristu omandekua, kuenda manjetu Timoteo, Tu sonehela manjetu wa soliwa Filemone haeye o kasi pamosi letu vupange umosi,

VA HEVERU 3:6

Puãi Kristu wa vumba locili onjo ya Suku ndomõlonjo. Etu muẽle tunjo yaco nda tu kuatelela kekolelo lietu, kuenda koku sanjukila elavoko lietu.

ESITULUILO 2:1

Sonehela ungelo wekongelo lio ke Efeso, huti, Ca popia u o kuete olombungululu epanduvali kondio, haeye endela pokati kolovela epanduvali viulu, ceci,