LUKA 1:13 - Embimbiliya - Bíblia Sagrada em Umbundu

¹³ Puãi ungelo wa popia laye hati, A Sakariya, ku ka saluke ño, momo elombelo liove lia yevala. Ukãi wove Elisavete o ku citila omõla, kuenje u luka Yoano.

LUKA 1:13 Iomraidhean Croise

EFETIKILO 17:10

Ocisila cange cokuti oco ndi lisila love lombuto yove yu ku kuãi, haico vu lava, ceci; alume vosi pokati kene va siviwe evamba.

EFETIKILO 17:19

Suku wa linga hati, Oco hacoko. Sara ukãi wove o ku citila omõla ulume, u luka Isake. Ñolisila kokuaye ocisila cange ha ci lingi ocisila ka ci pui kombuto yaye yu kuama.

EFETIKILO 18:14

Kuli hẽ cimue okuti Yehova o ci tokoka? Kotembo ya tukuiwa okuti kotembo yonjovo, ame njiya kokuove, kuenje Sara o cita omõla ulume.

EFETIKILO 25:21

Isake wa likutililila ku Yehova ukãi waye, omo wa kala osiũle. Yehova wa tava kohutililo yaye kuenje ukãi waye Rebeka we mina.

OLOSAMO 113:9

Osiũle o yi tumalisa vonjo ha yi lingi onjali yi sanjukila omãla. Sivayi Yehova.

OLOSAMO 118:21

Hu pandula omo wa nambulula, kuenje wa linga eyovo liange.

ISAYA 8:3

Nda ile kuprofeto ukãi kuenje wa mina, yu wa cita omõla ulume. Oco Yehova wa popia lame hati, U luka huti, Okupundandopo-cakuatiwaceci,

DANIELE 10:12

Oco wa popia lame hati, Ku ka yokoke, a Daniele, momo tunde keteke liatete eci wa kapa utima koku loñolõha, loku likapa kutito kovaso a Suku yove, olondaka viove via yeviwa. Oco ndeya, mekonda liolondaka viove.

HOSEA 1:4

Yehova yu wa popia laye hati, U luka Yesirele, momo hasimbuko kuenje ndi fetuluinyila onjo ya Yehu osonde ya Yesirele. Nyimũla usoma wepata lia Isareli.

HOSEA 1:6

Gomere we mina vali kuenje wa cita omõla ukãi. Yehova wa popia laye hati, luka Kasangiohenda, momo si kuatela vali epata lia Isareli ohenda. Si va ecela vali.

MATEO 1:21

kuenje o cita omõla ulume, u luka Yesu momo eye o popela omanu vaye kakandu avo.

MATEO 14:27

Haico Yesu wa popia lavo hati, Kolisiko, ame, ko ka yokoki.

MATEO 28:5

Ungelo wa popia lakãi hati, Ko ka kali lusumba momo ndi ci okuti vu sanda Yesu wa valeliwile kekulusu.

MARKO 16:6

Yu wa popia lavo hati, Ko ka saluki. Vu sanda Yesu u Nasara una wa valeliwile kekulusu. Wa pinduka, kulo keko. Tali oko vo kapele.

LUKA 1:14

Ove o kala lonjolela lesanju, kuenje va lua va sanjukila okucitiwa kuaye,

LUKA 1:30

Oco ungelo wa popia laye hati, A Maria, ku ka yokoke, momo Suku wa ku nolela esumũlũho.

LUKA 2:21

Oco, eci a tẽlisa eteke liecẽlãla, hailio eteke lioku seviwa, oco vo luka Yesu, haiyo onduko ya tukuiwa lungelo osimbu ka miniwile handi.

OVILINGA 10:31

Wa popia lame hati, A Korneliu, ohutililo yove ya yevala, loviali viove via ivalukiwa kovaso a Suku.

LIOLONGANJI 6:23

Puãi Yehova wa popia laye hati, Ombembua yi kale love. Ku ka saluke. Ku fi.

I SAMUELE 2:21

Yehova yu wa ivaluka Hana kuenje we mina mina, wa cita omãla valume vatatu lomãla vakãi vavali.