LIOLONGANJI 9:6 - Embimbiliya - Bíblia Sagrada em Umbundu

⁶ Olonungi viosi via Sekeme levi viosi via Milo via liongolola, yu va enda kongunji yocinendele ko Sekeme, kuenje va vialeka Avimeleke ha lingi Soma.

LIOLONGANJI 9:6 Iomraidhean Croise

II SAMUELE 5:9

Oco Daviti wa tumãla vocikolo kuenje wa ci luka hati, Imbo lia Daviti. Daviti wa tungisa kolonele viaco viosi, Milo ya kala vokati.

I OLOSOMA 12:1

Rehovama wa enda ko Sekeme, momo Isareli yosi ya liongoluila ko Sekeme oku u vialeka.

I OLOSOMA 12:20

Eci Isareli yosi ya yeva okuti Yerevoama wa tiuka, va tuma oku u vilikiyila vohongele, kuenje vo lingisa osoma kIsareli yosi. Lomue wa kuama onjo ya Daviti, te lika epata lia Yuda.

I OLOSOMA 12:25

Oco Yerevoama wa tunga Sekeme kolomunda via Efarimi, yu wa tumãlako. Noke wa tundako, kuenje wa tunga Penuele.

II OLOSOMA 12:20

Akuenje vaye va katuka, va tumbika ongombo kuenje va ipaila Yoasi konjo ya Milo, yi kasi vonjila yo ko Sila.

YEHOSUA 24:26

Yehosua wa soneha olondaka viaco velivulu liovihandeleko via Suku. Wa nyañula ewe linene, wa li sembika vemehi liocinendele pocitumãlo ci kola ca Yehova.

LIOLONGANJI 9:5

Yu wa enda konjo ya isiaye, kOfira, kuenje wa ipaila vamanjaye omãla va Yerubaale kewe limuamue. Va soka akuĩ epanduvali komanu. Puãi Yotama, kuasula kua Yerubaale, wa supapo, momo wa salamele.

LIOLONGANJI 9:7

Va ci sapuila Yotama, kuenje wa enda, wa talama kilu liomunda Gerisimi. Wa vilikiya lolukandi, yu wa popia lavo hati, Ene amanu va Sekeme, njeveleli, oco Suku o yeveleli.