LIOLONGANJI 9:45 - Embimbiliya - Bíblia Sagrada em Umbundu

⁴⁵ Eteke liaco liosi Avimeleke wa yaka limbo. Wa kuata imbo, yu wa ipa omanu va kalamo. Wa keleñala imbo, yu wa wayamo omongua.

LIOLONGANJI 9:45 Iomraidhean Croise

I OLOSOMA 12:25

Oco Yerevoama wa tunga Sekeme kolomunda via Efarimi, yu wa tumãlako. Noke wa tundako, kuenje wa tunga Penuele.

II OLOSOMA 3:25

Va lundula ovaimbo; vovapia osi awa omunu omunu wa imbamo ewe liaye, yu va a yukisa to; ovisimo viosi viovava va vi lembika; kuenda va timbula oviti viosi viwa; toke va supisapo lika Kiri Hareseti lovawe alio. Puãi vakuapipili va li ñuala, yu va li asa.

OLOSAMO 107:34

kuenda ofeka yovaima ndekango liomongua, mekonda lievĩho liava va tungamo.

ESEKIELE 47:11

Puãi ovisave viaco lovima viaco ka vi savuluka, vi kalaño lomongua.

SOFONIYA 2:9

Oco, ca popia Yehova Ukualohoka, Suku ya va Isareli, ceci, hati, Ndeci ñasi lomuenyo, Moavi yi soka la Sodoma, va Amoni va kala nda va Gomora. Olofeka viaco vi yuka ovisapa violunyi lovima viomongua, vi linga alunda ka a tungiwa vali. Ocisupe comanu vange ci va punda; ava va supapo komanu vange va va kuata.

ESINUMUĨLO 29:23

leci va mõla ndomo ofeka yosi ya linga ofeka yofuofuo lomongua, haiyo ya linga epile ka li kũlĩwa, ka mu tundi cimue, ndaño oku yunda owangu ka mu yundi, okuti enyolẽho liayo li soka lenyõleho lia Sodoma la Gomora, kuenda Adima la Cevoyi, ovaimbo ana Yehova a nyõla lonyeño yaye lokutema kuaye,

TIAGO 2:13

Momo, u ka kala kala lohenda ka tetuluiwa lohenda, haimo lumue ohenda yi yula vekanga.

LIOLONGANJI 9:44

Avimeleke locisoko ca kala kumue laye va liulumuila kovaso, kuenje va talama kepandavelo liombundi yimbo, osimbu ovisoko vikuavo vivali viondumuhila vosi va kala vusenge, kuenje via va kundula.