LIOLONGANJI 9:27 - Embimbiliya - Bíblia Sagrada em Umbundu

²⁷ Va enda kovapia. Vongula ayuva koviumbo viavo viayuva. Va a kosa, yu va linga ocipito. Va iñila vonjo yosuku yavo. Va lia, va nyua, kuenje va siñala Avimeleke.

LIOLONGANJI 9:27 Iomraidhean Croise

OLOSAMO 109:17

Wa sola oku siñala, oco asiñalo eye kokuaye. Ka solele oku sumũlũisa, oco esumulũho li kale kupãla laye.

ETUNDILO 32:19

Tuli eya ocipepi locilombo kuenje wa mõla ongombe, lomo va kasi loku piluka, oco onyeño ya Mose ya wenguka. Wa kupula ovawe a kala povaka, wa a sasõwaila vepato liomunda.

ETUNDILO 32:6

Oco hẽla va pasuka ociteketeke, va lumba ovilumba vioku pia elisi, va nena ovilumba viombembua, kuenje omanu va tumãla loku lia loku nyua. Va votoka oku piluka.

YEREMIYA 25:30

Oco ove o va pisa lolondaka evi viosi. Oco popia lavo huti, Yehova kilu o kumba kumba, haiko a tumãla kocitumãlo caye ci kola loku popia ondaka yaye. O kumbila ocunda caye. Ndeci ava va kosa ayuva va kaloka, haico eye a kalukila olonungi viosi viokilu lieve.

DANIELE 5:23

Wa likapa kunene kovaso a Cime cokilu; va ku nenela ovikuata vionjo yaye kuenje ove lolombuale viove lakãi vove lovakama vove, wa nyuilimo ovinyu; haive wa sivaya olosuku viopalata lulu, levi viosipi levi viutale levi vioviti levi viovawe, vina ka vi lete, haivio ka vi yevite kuenda lacimue via kũlĩha; puãi Suku, una o kuete peka liaye omuenyo wove lolonjila viove viosi, kuo pandiyile.

HOSEA 7:14

Oku mbilikiya kuavo ka ku tundi kovitima viavo, puãi va liyuila ño povola avo, Poku pinga otiliku lovinyu va litandatanda, va ñualẽlapo.

OVISILA 24:11

Oco ulume waco, nyõho yaye u Isareli, wa imbula onduko ya yehova, wa siñala muẽle, oco vo nena ku Mose. Inaye onduko yaye Selomiti, haeye omõla a Daviri, ukuepata lia Dani.

LIOLONGANJI 16:23

Olombuale via va Filisiti via liongoluila oku lumbila suku yavo Dagoni ocilumba cinene, loku sanjuka, momo vati. Suku yetu wa eca unyali wetu Samisone peka lietu.

LIOLONGANJI 8:33

Tuli Gideone a fa, va Isareli va tianguluka, kuenje va linga ukahonga la Baale. Baale Beriti vo lingisa suku yavo.

LIOLONGANJI 9:26

Gaala, omõla a Evede, weya kumue lavangandiaye, kuenje va kala ko Sekeme. Va Sekeme vo kolela.

LIOLONGANJI 9:4

Va wiha akuĩ epanduvali kolosiekele viopalata vopa vonjo ya Baale Beriti. Avimeleke wa fetela lavio alume vakuesanda, va palõha, haivo vo kuama.

LIOLONGANJI 9:46

Omanu vosi vokombonge ya Sekeme eci va ci yeva, va iñila vocilala conjo ya suku Beriti.

I SAMUELE 17:43

U Filisiti wa popia la Daviti hati, Ame nga ndimbua okuti wiya kokuange lombueti? Kuenje u Filisitu wa siñala Daviti vonduko yolosuku viaye.