LIOLONGANJI 9:24 - Embimbiliya - Bíblia Sagrada em Umbundu

²⁴ oco ekundu lia sangele omãla va Yerubaale akuĩ epanduvali li fetuluinyiwe, losonde yavo oco yi wile huvavo Avimeleke una wa va ipa, la va Sekeme vana va pamisile ovaka aye, ha ipaya vamanjaye.

LIOLONGANJI 9:24 Iomraidhean Croise

I OLOSOMA 2:32

Yehova o tiuwiya osonde yaye kutue waye muẽle, momo wondumuhila alume vavali vana vo velapo kesunga lunu kuenje wa va ipa losipata, osimbu tate Daviti ka ci kulihile. Alume vaco Avinere omõla a Nere, kesongo liolohoka via Isareli kuenda Amasa omõla a Yetere, kesongo liolohoka via Yuda.

I OLOSOMA 2:33

Oco osonde yavo yi tiukila kutue wa Yoava lokutue wombuto yaye, otembo ka yi pui. Puãi ku Daviti lo kombuto yaye lokepata liaye lokocalo caye, ku kala ño hu ombembua yi tunda ku Yehova.

ESTER 9:25

Puãi eci Ester eya kovaso a Soma, Soma wa tuma ovikanda ndokuti ocisimĩlo cĩvi ca Hamana, cina a simililile va Yudea, ciya kutue waye muẽle, kuenda okuti vo nyengeleka kumue lomãla vaye kocalẽla.

OLOSAMO 7:16

Evĩho liaye li tiukila kutue waye muẽle. Okukangisa kuaye ku wila konumbutue yaye muẽle.

OLOSAMO 7:17

Njimbila Yehova olopandu via sesamela esunga liaye. Njimba ocisungo coku sivaya onduko ya Yehova Tõlo.

ATENDELO 35:33

Ka ci tava oku vĩhĩsa ndomo ofeka omu vu kasi, momo osonde yi vĩhĩsa ofeka. Ka ci tava oku sembikila ofeka osonde ya pesekelamo, te losonde yu wa yi pesela.

ESINUMUĨLO 27:25

Wosi o tambula ovitukiko vioku ipaya omunu we lipua, a siñaliwe. Lomanu vosi va kumbulula vati, Ci lingiwe.

LIOLONGANJI 1:7

Adoni Beseke hati, Akuĩ epanduvali kolosoma, nda a tetele ovimuine viomumba kovaka lokolomai, kuenje via nolaile ovimalañanya via loka loka komesa yange. Ndeci nda linga, haico Suku a fetuluinya. Oco vo nena ko Yerusalãi kuenje haiko a fila.

LIOLONGANJI 9:25

Va Sekeme oku sakalaisa Avimeleke va kapa alume va lavekela kovailu olomunda, yu va punda punda vosi va pita vonjila ocipepi lavo. Oco va ci sapuila Avimeleke.

I SAMUELE 15:33

Samuele hati, Ndeci osipata yove ya pumbisa akãi omãla vavo haico nyoho o pumba omõla pokati kakãi. Samuele yu wa sasela Agage kovaso a Yehova vo Giligali.