LIOLONGANJI 9:15 - Embimbiliya - Bíblia Sagrada em Umbundu

¹⁵ Ocikuala ca popia loviti citi, Nda vu mbuaveka ocili si lingi osoma yene, oco enjui, ndo vundi vulembo wange. Nda hacoko, ocikuala ci tunda ondalu yi lia olo-cedro via Levanone.

LIOLONGANJI 9:15 Iomraidhean Croise

II OLOSOMA 14:9

Yehoasi Soma ya Isareli wa tuma ku Amasiya Soma ya Yuda hati, Ocikualu covo Levanone ca tuma ondaka kocinendele co vo Levanone citi, Eca omolove ukãi ha likuela lomolange. Oco kua pita ocinyama covusenge covo Levanone, kuenje ca liataila ocikualu.

OLOSAMO 104:16

Oviti via Yehova vie yuka ovava, okuti oviti violo-cedro via Levanone, vina eye a kũla.

OLOSAMO 29:5

Ondaka ya Yehova yi tola tola oviti violocedro. Ocili, Yehova o nyanyõla oviti violo-cedro via Levanone.

ISAYA 1:31

Kuenje u wa pama o linga ndofukutu, lovilinga viaye vi linga ndolusãse. Kavali kavio vi taimĩla pamosi, lomue o vima.

ISAYA 2:13

Eteke liaco liya kolocedro viosi via Levanone via lepa, haivio via katuka, lokovilemba viosi via Basiyane;

ISAYA 30:2

Va katuka oku enda ke Egito puãi ka va pulile hã ha va yevi vomela wange. Va tilila vombonge ya Fareo, ha va vundi vulembo we Egito.

ISAYA 37:24

Wa sawula Yehova, kuenje wa popia huti, Nda londa kilu liolomunda lakãlu ange a lua. Nda pitila vokati ka Levanone; nda timbula ovinendele viaco viosi kuenda akoma aco a fina. Nda pitila toke konumbuko yaco ya sulako, ndaño vovisitu viaco.

ASIÕSUILO 4:20

Efuimo liovanyulu etu, okuti Ombuavekua ya Yehova, ya kuatiwila vakueve avo. Eye una tua tukuaile tuti, Vemehi liundembo waye tu kala ciwa pokati kolofeka.

ESEKIELE 19:14

Kuenje volunavi luawo mua tunda ondalu ya nyola ovianja viawo lapako awo, okuti ka kua siale olunavi lua pama lu linga epangati liosoma. Oko oku lisiõsiõla kua lisiõsuĩwa.

ESEKIELE 31:3

Tala, hu sokisa luti wo-cedro woko Levanone. Olonavi viawo via posoka haivio vi eca ulembo wa lepa; osungu yawo ya pitila kalende.

DANIELE 4:12

Amẽla awo a posoka lepako liawo lia lua, haiwo wa tekula vosi. Ovinyama viusenge via vunda vocilembo cawo, lolonjila viokilu via tunga vovianja viawo, kuenje oviendalomuenyo viosi via tekuiwa lawo.

HOSEA 14:7

Va tiuka kuenje va tumãla vundembo wange. Va tumbuluiwa ndocumbo kuenje va yova nduyuva. Elemba liavo li soka leli liovinyu vioko Levanone.

ATENDELO 21:28

Momo ondalu ya tunda ko Hesibone. Ulienge wondalu wa tunda kimbo lia Sihoni, wa lia Are lia va Moavi, loku nyõla toke koviwulu via Arinone.

MATEO 13:32

Ocili yitito, olombuto viosi vikuavo vinene, puãi nda ya kula yi velapo, ovikũla viosi vi sule, yi linga uti, oco olonjila viovusenge viya kuenje vi tungila vovianja viawo.

LIOLONGANJI 9:14

Oco oviti viosi via popia locikuala viti, Enju, ndo linge osoma yetu.

LIOLONGANJI 9:16

Oco cilo, wa lingi hẽ esunga locili oku vialeka Avimeleke ha lingi osoma? Wa lingi hẽ ciwa la Yerubaale lepata liaye? Wo muisi hẽ eci ca sesamẽla ovilinga viaye?

LIOLONGANJI 9:20

Nda hacoko, ku Avimeleke ku tunde ondalu yi lia olonungi via Sekeme, levi via Milo. Lokolonungi via Sekeme levi via Milo, ku tunde ondalu yi lia Avimeleke.

LIOLONGANJI 9:44

Avimeleke locisoko ca kala kumue laye va liulumuila kovaso, kuenje va talama kepandavelo liombundi yimbo, osimbu ovisoko vikuavo vivali viondumuhila vosi va kala vusenge, kuenje via va kundula.

LIOLONGANJI 9:49

Oco vosi omunu omunu wa timbulavo ocanja caye, kuenje wa kuama Avimeleke. Yu va yeka ovianja viaco vocilala, kuenje ocilala caco lava va kalamo, va cimba ondalu. Oco omanu vosi vombonge ya Sekeme va favo, va soka ohulukãi yalume lakai.