LIOLONGANJI 8:27 - Embimbiliya - Bíblia Sagrada em Umbundu

²⁷ Gideone wa tunga lavio efonde limue, yu wa li kapa vimbo liaye, vOfira. Haimo va Isareli vosi va lingila lalio ukahonga. Lia lingila Gideone onjanjo, eye kumue lepata liaye.

LIOLONGANJI 8:27 Iomraidhean Croise

OLOSAMO 106:35

Va litenga puãi lomanu volofeka. Va likisa ovilinga viavo.

OLOSAMO 106:39

Oco va livĩhisa lovilinga viavo. Va linga ovilinga viupuepue.

OLOSAMO 73:27

Ocili, ava va kasi ocipãla love va taka. O nyõla vosi va ku lingila usuanji.

ETUNDILO 23:33

Ka va tungi vofeka yene sanga va vu lueyisa kokuange momo nda vu vumba olosuku viavo cu lingili onjanjo.

ETUNDILO 32:4

Eye wa tambula ulu waco povaka avo, wo songa locivela kuenje wa tunga ociñumañuma congombe. Oco hati, A Isareli, suku yove wa ku upa vofeka ye Egito, yu.

ETUNDILO 34:16

kuenje o kuelisa omãla vove valume lomãla vavo vakãi, lomãla vavo vakãi poku linga ukahonga lolosuku viavo, va tiamisa omãla vove valume koku linga ukahonga lolosuku viavo.

ISAYA 8:20

Kolela ovilongua kuenda uvangi! Ongula ka yi cila ondaka eyi va popia.

ESEKIELE 7:20

Va nyõla onembele ya posoka poku lingilamo ovina viulamba wavo. Va tungilamo oviteka viovombondo avo, lovina viavo vi lingisa onyanya. Oco ame nda yi va lingisila ndocina ca vĩha.

HOSEA 2:2

Livondeli la nyõho,— momo eye hokãi wangeko, ndaño ame, si veyayeko—livondeli muẽle, okuti eye upa upuepue kocipala caye, kuenda onambo yuvaisi kavele aye,

HOSEA 3:4

Momo omãla va Isareli va kala oloneke via lua, osoma lakamue, ndaño omõla a Soma, ndaño ocilumba, ndaño ongunji yi kola, ndaño terafe lefonde.

ESINUMUĨLO 12:5

Puãi pokati kovitumãlo viosi viapata ene osi, vu vanjiliyapo ocitumãlo Yehova, Suku yene, a nola oku tungisilako onduko yaye onjo yoku kala.

ESINUMUĨLO 7:16

Kuenje ene vu kundula apata osi Yehova Suku yene eca kokuene. Ovaso eve ka a va fila ocisõi, ka vu vumbi olosuku viavo, momo oco nda co lingili onjanjo.

ESINUMUĨLO 7:25

Oviñumañuma via songiwa violosuku viavo wu vi yoka londalu. Ka ci tava oku livela opalata pamue ulu woviñumañuma viavo, ndaño oku u likapela, sanga u ku lingila onjanjo momo eci ci linga umbondo ku Yehova, Suku yove.

LIOLONGANJI 17:5

Ulume waco Mika wa kala lonjo yosuku yaye. Wa panga efonde limue la terafi yimue, kuenje wa tumbika umue wopomala vaye valume, yu wa linga ocitunda caye.

LIOLONGANJI 18:14

Oco alume vatãlo vana va kũlĩhisile ofeka ya Laisi, va popia lavakuavo vati, Wa kũlĩhi hẽ okuti volonjo evi muli efonde la terafi lociñumañuma ca songiwa, lociñumañuma ca itilua? Kaliye sokololi eci vu linga.

LIOLONGANJI 18:17

Alume vatãlo vana va kũlĩhisile ofeka, va lamana, yu va iñila. Va nyañula ociñumañuma ca songiwa, lefonde, la terafi, lociñumañuma ca itilua, osimbu ocitunda ca talama kepandavelo liombundi, kumue lovita epandu vialume va malehela ovita.

LIOLONGANJI 2:2

Lene ko ka lisili ocisila la vakuafeka yilo. Leñuli ovotala avo. Puãi ene ka wa yeveleli kondaka yange. Eci wa ci lingili nye?

LIOLONGANJI 2:3

Oco mopia lene siti, Si va tundisa kovaso ene, puãi vo lingili olosongo volomati viene, lolosuku viavo viu lingili onjanjo.

LIOLONGANJI 6:11

Ungelo wa Yehova weya, yu wa tumala vemi liocinendele co kOfira, ca kala ca Yoasi, u Aviyesere. Omolaye Gideone wa kala loku sasa otiliku vocikoselo cayuva, oco va Midiane ka va ka yi mõle.

LIOLONGANJI 6:24

Oco Gideone wa tungilako Yehova utala, kuenje wo luka hati, Yehova eye ombembua. Toke etaili lilo u tãi kOfira ya va Aviyesere.

LIOLONGANJI 8:26

Okulema kuovingelengele viulu vina a pinga, kua soka ohulukai lovita epanduvali violosiekele viulu. Wa kalavo lovilimbo, lovingelengele, lolonanga viohusu violosoma via Midiane, kuenda vali olomota via kala polosingo violongamelo viavo.

LIOLONGANJI 8:28

Oco va Midiane va pokuisilua kovaso a va Isareli. Ka va petuile vali utue. Kuenje koloneke via Gideone ofeka ya pola akuĩ akuãla kanyamo.