LIOLONGANJI 8:21 - Embimbiliya - Bíblia Sagrada em Umbundu

²¹ Oco Seva la Calimuna vati, Katuka ove muẽle, o tu undumuhile. Ulume ulume, longusu yaye yi liñi. Oco Gideone wa katuka, wa ipa Seva la Calimuna. Kuenje wopa ovilimbo via kala kosingo yolongamelo viavo.

LIOLONGANJI 8:21 Iomraidhean Croise

OLOSAMO 83:1

A Suku, ku kõhe. Ku ka linge ndesima, ku ka ekelele, a Suku.

OLOSAMO 83:11

Lingisa olombuale viavo nda Oreve la Seve. Olosoma viavo vi lisoke la Seva la Calimuna,

OLOSAMO 83:12

vana va linga vati, Tu kuati ovisenge via Suku ha vi lingi vietu.

ISAYA 3:18

Keteke liaco Ñala upa eposo liovinunga viavo, leli liovifuto viavo, leli liovilimbo

YEHOSUA 10:26

Noke Yehosua wa va ponda, yu wa va ipa, kuenje wa va nyoñamisa voviti vitalo. Va nyoñamisua voviti viaco toke koñolosi.

ESITULUILO 9:6

Oloneke viaco omanu va ka sanda oku fa kuenje ka va ku sangi, va livela okufa, okufa puãi ku va tila.

LIOLONGANJI 15:12

Va popia laye vati, Tueya oku ku kuta, ha tu ku eci peka lia va Filisiti. Samisone wa popia lavo hati, Lisili lame, okuti heneko muẽle vu njipaya.

LIOLONGANJI 8:20

Wa popia luveli waye Yetere, hati, Katuka, va ipa. Puãi umãlẽhe ka somuile osipata yaye. Wa kala lusumba, momo omõla handi.

LIOLONGANJI 8:22

Alume va Isareli va popia la Gideone, vati, Tu viale, ove lomolove lonekulu yove le. Momo wa tu popela peka lia Midiane.

LIOLONGANJI 8:26

Okulema kuovingelengele viulu vina a pinga, kua soka ohulukai lovita epanduvali violosiekele viulu. Wa kalavo lovilimbo, lovingelengele, lolonanga viohusu violosoma via Midiane, kuenda vali olomota via kala polosingo violongamelo viavo.

LIOLONGANJI 9:54

Haico Avimeleke a kovonga umalehe ukuakuambata ovimaleho viaye, wa popia laye hati, Somolamo osipata yove, njipaye, sanga omanu va mopia vati, Wa ipaiwa lukãi. Oco umalehe waco wo toma olusole, yu wa fa.

I SAMUELE 31:3

Ocilunga caco ca sakalaisa enene Saulu. Vakualohonji vo sanga kuenje eye wa lemehiwa calua la vakualohonji.

I SAMUELE 31:5

Eci ukuenje ukuavimaleho a mola okuti Saulu wa fa oco layevo wa litomavo losipata yaye kuenje wa fila kumue laye.