LIOLONGANJI 6:4 - Embimbiliya - Bíblia Sagrada em Umbundu

⁴ Va tunga ovilombo kovaso avo. Va nyõla ovaima ofeka, toke oku panda ocipepi la Gasa. KIsareli lakumue okulia va siako, ndaño omeme, ndaño ongombe pamue ocimbulu.

LIOLONGANJI 6:4 Iomraidhean Croise

EFETIKILO 10:19

Ongave ya va Kanana yeyi, tunde ko Sitono loku enda ku Gerare, toke ko Gasa loku enda ko Sodoma loko Gomora la Adema loko Sevomi toke ko Lasa.

EFETIKILO 13:10

Lote wa petula ovaso aye, wa mõla etapi liosi lioko Yordão okuti kuosi ku kuete ovava; kua soka ndocumbo ca Yehova, pamue ndofeka ye Egito pana poku enda ko Soyara; otembo yaco handi Yehova ka nyolele Sodoma la Gomora.

OLOSAPO 28:3

Ohuasi yi lingaisa olosuke, eye ombela yi sosola ka yi si olomema.

YEREMIYA 5:17

Va lia elombolo liene kuenda okulia kuene. Va lia okulia kuomãla vene valume lava vakãi. Va lia olomeme lolohombo viene kuenda olongombe viene. Va liavo ayuva ene lakuyu ene. Olombonge viene wa koleli va vi nyõla losipata.

OVISILA 26:16

nda oco vu linga ndinga lene ndeci: ndu saluisi lonũlo lombambi ha vi vuvalisa ovaso, ha vi konyuisa utima. Vu kũla ombuto yene olivova omo ovanyali vene va yi lia.

OVADIYA 1:5

Ovimunu nda vi ku iyilila, pamue ovingumba vuteke, ka vivi lika evi vi tela oku ambata? Nda vakuakupunda ayuva va ku iyilila ka va si hẽ ovisiakata vimue? Ove puãi, oku nyõlẽha kuove! … ka ku popiwa!

MIKA 6:15

Wimba ombuto puãi ku ungula. O kosa asetona puãi ku liwaveka lulela waco. O kosa ayuva puãi ku nyui ovinyu viaco.

ESINUMUĨLO 28:33

Ovaima ovapia ove lupange wove wosi vi liwa lomanu kua kũlĩhĩle. Ohali lika o tala loku keleketiwa ño-o oloneke viosi.

ESINUMUĨLO 28:51

Va lia ovinyama viocunda cove, lovaima ovapia ove, toke wa nyõleha. Ka va ku sila olomema, ndaño ovinyu, ndaño ulela, ndaño olonale violongombe viove pamue omãla volomeme viove, toke va ku nyõla pe.

LIOLONGANJI 6:3

Olonjanja viosi eci va Isareli va kũla ombuto, va Midiane kumue la va Amaleke, lomanu vokutundilo, veyaiya, kuenje va va katukila.