LIOLONGANJI 6:31 - Embimbiliya - Bíblia Sagrada em Umbundu

³¹ Yoasi wa popia la vosi va wongolokela, hati, Ene nga vu tundila Baale olunda? Ene nga vu u kuatisiko? U u tundila olunda, o fa muẽle omelilo. Nda Baale osuku, a litundile eye muẽle olunda, momo utala waye wa leñuiwa.

LIOLONGANJI 6:31 Iomraidhean Croise

I OLOSOMA 18:27

Ekumbi pongunji Eliya wa va fuanguila, hati, Vilikiyi lolukandi, momo eye osuku. Pamue o kasi loku sokolola, pamue wa enda kupala, pamue o kasi vungende, pamue mbi wa pekela kuenje ci sukila oku u pasula.

I OLOSOMA 18:29

Eci ekumbi lia senduluka, vamako loku kaloka, toke kowola yocilumba coñolosi. Puãi ka kua yevalele ondaka yimue, lomue wa tambulula, pamue oku va yeva.

I OLOSOMA 18:40

Eliya wa popia lavo hati, Kuati ovaprofeto va Baale. Lomue wavo ka ka tile. Oco va va kuata, kuenje Eliya wa lokila lavo kolui Kisione, haiko a va ipaila.

ETUNDILO 23:2

Ka ci tava oku kuama owiñi oku linga evĩho. Ka ci tava oku kuama ño owiñi loku imba uvangi wuhembi u pengisa ondaka yesunga.

ISAYA 41:23

Tu sapuili ovina viya ha tu limbuka ocili okuti vulosuku. Oco muẽle lingi cimue, ci kale ciwa, ci kale cĩvi, oco tu yuke usumba loku yokoka.

ISAYA 46:1

Bele o kekama, Nevo o petama, oviteka viavio via kapiwa kovinyama viupange. Ovina wambayati via linga ovilemo kovinyama via kava.

ISAYA 46:7

Va yambatela pocitãi, va yi tumbika kocitumãlo cayo, kuenje haiko yi talama; ka yi tẽla oku tunda vocitumãlo cayo. Nda umue o yi vilikiya ka yi tẽla oku kumbulula, ndaño oku u popela kohali yaye.

YEREMIYA 10:11

Popi lavo hoti, Olosuku vina ka via sowile ilu losi vi taka kilu lieve kuenda vemi lilu.

YEREMIYA 10:5

Oviteka viavo via soka ndoviñumañuma vioku vinga olonjila vepia. Ka vi popi, ka vi endi te oku ambatiwa. Ko ka vi kuateli usumba. Ka vi tẽla oku linga cimue, ndaño cĩvi, ndaño ciwa.

ATENDELO 14:6

Yehosua, omõla a Nune, la Kalembe, omõla a Yefune, haivo va kala pokati kava va ka lavuluile ofeka, va kesula uwalo wavo.

I VA KORINDO 8:4

Oco, kondaka yoku lia okulia kua lumbiwa koviteka, tua kũlĩha okuti ka kuli ociteka ci linga cimue koluali, kuenje ka kuli Suku, te umosi lika.

VA EFESO 5:11

Ko ka iñili vongongela yovilinga viowelema ka vimi apako, puãi vi situluli loku vi nena kutanya.

LIOLONGANJI 6:30

Oco vakuimbo va popia la Yoasi vati, Tukulula omõlove, oco a fe. Momo wa lundula utala wa Baale kuenda wa timbula oviti vi kola viokonele yawo.

LIOLONGANJI 6:32

Oco eteke liaco vo luka vati, Yerubaale, ca lomboloka citi, Baale a litundile eye muẽle olunda, momo wa leñula utala waye.

I SAMUELE 12:11

Yehova yu wa tuma Yerubaale la Baraka kuenda Yefita la Samuele kuenje wo popeli peka liovanyali vene kolonele viosi. Kuenje wa tungi yu wa koki.