LIOLONGANJI 6:3 - Embimbiliya - Bíblia Sagrada em Umbundu

³ Olonjanja viosi eci va Isareli va kũla ombuto, va Midiane kumue la va Amaleke, lomanu vokutundilo, veyaiya, kuenje va va katukila.

LIOLONGANJI 6:3 Iomraidhean Croise

EFETIKILO 25:6

Puãi komãla valume ava a cita lakama, Avirahama wa eca olombanjaile; kuenje osimbu a kala lomuenyo wa va tepisa komõlaye Isake, wa va tuma kutundilo, kofeka ya Kedema.

EFETIKILO 29:1

Yakoba wa enda lungende waye, wa pitila kofeka yomanu vokonano.

I OLOSOMA 20:27

Va Isareli va tendiwavo, va tambula ohuta, kuenje va va tundila. Va Isareli va tunga ovilombo, yu va lisuñama lavo, kuenje va moleha ndotuviunda tuvali tuotuhombo. Va Suria puãi ve yuka to vofeka.

I OLOSOMA 4:30

Olondunge via Salomone via velelepo olondunge viomanu vosi vokutundilo, ndaño olondunge viosi vie Egito.

I OLOSOMA 5:10

Oco Hirama wa eca ku Salomone oviti viovinendele levi viongaye, viosi a yonguile.

YOVI 1:3

Wa kala lolohũlũkãi epanduvali violomeme, lolohũlũkãi vitatu violongamelo, lolokanga violongombe ovita vitãlo, kuenda olomange viovimbulu, ovita vitãlo, lapika ka va tendiwa. Oco omunu waco wa velapo, okuti omanu vosi vakuavo vokutundilo va sule.

YOVI 31:8

oco, ci kale okuti ame njimba ombuto kuenje umue wiñi o liako, ci kalevo okuti ovikũlakũla viosi viovepia liange vi tukuĩwa.

ETUNDILO 17:8

Va Amaleke veya, va liyaka la va Isareli vo Refidimi.

ISAYA 11:14

Puãi va endela pamosi, va lupukila kutakelo koviwulu via va Filisiti kuenje va pundila pamosi omanu vokutundilo. Va ka kuata Edome la Moavi kuenda va Amoni va va pokola.

ISAYA 62:8

Yehova wa lisinga leka liaye liondio kuenda lokuokuo kuaye kua pama, hati, Si eci vali olomema viove ha vi lingi okulia kuovanyãli vove. Vakualofeka ka va nyui vali ovinyu viove viokaliye wa vi kavela.

YEREMIYA 49:28

Owanji wa imbiwila Kedare kuenda ovosoma a Hacore, ana Nevukandesa, Soma ya Bavulono, a nyõla. Ca popia Yehova ceci, hati, Votoki, katukili Kedare. Ka nyõli omanu vokutundilo.

ESEKIELE 25:3

Popia la va Amoni, huti, Yevi ondaka ya Ñala Yehova. Ca popia Ñala Yehova ceci, hati, Omo wa yoli epembe eci onjo yange yi kola ya sepuiwa, leci ofeka ya Isareli ya kunduiwa, leci epata lia Yuda lia enda kumandekua,

ESEKIELE 25:4

oco ndu weci komanu vakuotundilo okuti vo viali. Va tunga pokati kene ovilombo viavo ndaño olonjo viavo. Va lia epako liene. Va nyua asenjele ene.

OVISILA 26:16

nda oco vu linga ndinga lene ndeci: ndu saluisi lonũlo lombambi ha vi vuvalisa ovaso, ha vi konyuisa utima. Vu kũla ombuto yene olivova omo ovanyali vene va yi lia.

MIKA 6:15

Wimba ombuto puãi ku ungula. O kosa asetona puãi ku liwaveka lulela waco. O kosa ayuva puãi ku nyui ovinyu viaco.

ESINUMUĨLO 28:51

Va lia ovinyama viocunda cove, lovaima ovapia ove, toke wa nyõleha. Ka va ku sila olomema, ndaño ovinyu, ndaño ulela, ndaño olonale violongombe viove pamue omãla volomeme viove, toke va ku nyõla pe.

LIOLONGANJI 10:12

Va Sidono lavovo, la va Amaleke la va Maoni vo talisi ohali. Ene wa vilikiyi kokuange, kuenje ndo popeli peka liavo.

LIOLONGANJI 3:13

Wonguluila kokuaye va Amoni la va Amaleke. Wa katuka, yu wa lundula va Isareli, kuenje va kuata imbo lioviti vieva.

LIOLONGANJI 6:2

Eka lia va Midiane lia yula Isareli. Va Isareli va lifelela ovilala kolomunda, laleva, lovikolo oku tila va Midiane.

LIOLONGANJI 6:33

Oco va Midiane vosi la va Amaleke lomanu vosi vokutundilo, va likonga, yu va yoka Yordão, kuenje va tunga ocilombo vocimbota ca Yesirele.

LIOLONGANJI 6:4

Va tunga ovilombo kovaso avo. Va nyõla ovaima ofeka, toke oku panda ocipepi la Gasa. KIsareli lakumue okulia va siako, ndaño omeme, ndaño ongombe pamue ocimbulu.

LIOLONGANJI 7:12

Va Midiane la va amaleke lomanu vosi vokutundilo va liyala vocimbota, owiñi waco ndolohuma. Olongamelo viavo oku vi tenda ka ci tẽliwa, viakahandangala ndeseke liokopalaya.

LIOLONGANJI 8:10

Kaliye Seva la Calimuna va kala ko Karikore, kumue lolohoka viavo, via soka olohulukãi ekui lavitalo vialume, vosi va supile polohoka viosi viomanu vokutundilo. Kua kupuiwile ocita lakui avali kolohũlũkãi vialume vakualosipata.