LIOLONGANJI 6:13 - Embimbiliya - Bíblia Sagrada em Umbundu

¹³ Gideone wa popia laye hati, A ñala yange, nda Yehova o kasi letu, oco hẽ, ovina evi viosi via tu wilila nye? Ovikomo viaye viosi vi kasi pi? Vina olosekulu vietu via tu sapowaila, vati, Yehova ka tupile hẽ kEgito? Puãi cilo Yehova wa tu takumũla, kuenda wa tu eca peka lia va Midiane.

LIOLONGANJI 6:13 Iomraidhean Croise

EFETIKILO 25:22

Omãla vaco va liyakela vimo liaye, yu wa linga hati, Nda oco ci kasi ame ñala ndeti? Oco wa enda oku ci pula ku Yehova.

II ASAPULO 15:2

Kuenje wa enda ku ñualẽhẽla la Asa, yu wa popia laye hati, ye a Asa, love a Yuda, la Benjamini yosi, njeveleli. Yehova o kala lene osimbu ene vu kalavo laye, kuenje nda vu u sandiliyi eye o tava oku sangiwa lene, puãi nda ene vu u yanduluki eye u yandulukivo.

OLOSAMO 27:9

Ku ka mbundisile ocipala cove. Ove wa kala oñuatisi yange oco ku ka leñule ukuenje wove lonyeño. Ku ka nyinasi. Ku ka njanduluke, a Suku yepopelo liange.

OLOSAMO 44:1

A Suku, tua yeva lovatui etu. Olosekulu vietu via tu sapuila upange wa linga poloneke viavo, poloneke vionahulu.

OLOSAMO 44:2

Wa tundisa olofeka leka liove, ovo puãi wa va tungisa. Wa yambula olofeka, ovo puãi wa va luisa.

OLOSAMO 44:9

Kaliye puãi wa tu pañula, wa tu tombisa. Ku endaenda vali lolohoka vietu.

OLOSAMO 89:49

A Yehova, ocisola cove ka ci pui cokosiahũlu, haico wa likuminya locili cove cosi, oku sola laco Daviti, ci kasi pi?

ISAYA 41:17

Eci olohukui lolosuke vi sanda ovava kuenje ka kuli, leci polosingo viavio pa kukuta lenyona, oco ame ndi Yehova, ndi va kumbulula, ame ndi Suku ya va Isareli, si va yanduluka.

ISAYA 63:11

Oco ovo va ivaluka oloneke viosiãhũlu, okuti via Mose lomanu vaye. Va linga vati, U wopa vokalunga angombo vocunda caye o kasi pi? U wa kapa Espiritu liaye li kola pokati kavo o kasi pi?

ISAYA 63:15

Ove o kasi kilu vonjo yove yi kola ya posoka, vanja posi. Ombili yove kuenda ovikomo viove vi kasi pi? Ongeva yove lohenda yove via nimiliwa.

YEREMIYA 23:33

Eci umue pokati komanu ava, pamue uprofeto umue, pamue ocitunda cimue, a ku pula, hati, Ocilemo ca Ñala oco nye?— ove u kumbulula, huti, Ñala hati, Ene muẽle ucilemo caco kuenje ndu winasi.

VA ROMA 8:31

Ovina evi tu vi popela nye? Nda Suku o kasi letu helie o tu katukila?

ESINUMUĨLO 29:24

oco vakualofeka viosi va pula vati, Nye Yehova a lingila ndomo lofeka eyi? Onyeño eyi ya lua haiyo ya tokota ya lomboloka ndati?

ESINUMUĨLO 31:17

Oco onyeño yange yi va wengukila eteke liaco. Ndi va yanduluka, ndi va wundisila ocipala cange, kuenje va liwa. Ovina via lua vĩvi lohali vi va wila okuti eteke liaco va linga vati, Ovina viaco vĩvi hẽ ka via tu vetelele omo Suku yetu ka kasi pokatu ketu?

LIOLONGANJI 6:1

Va Isareli va linga vali eci cĩvĩ kovaso a Yehova, kuenje Yehova wa va eca peka lia va Midiane anyamo epanduvali.

LIOLONGANJI 6:12

Ungelo wa Yehova wo tukulukila, wa popia laye hati, Yehova o kasi love, olume wa pama ukuotoi.