LIOLONGANJI 4:9 - Embimbiliya - Bíblia Sagrada em Umbundu

⁹ Devora hati, Ngenda muẽle kumue love. Haimo ungende waco o linga ndeti, ka u ku muisa ekẽmalo, momo Yehova weca Sisera peka liukãi. Oco Devora wa katuka, yu wa enda kumue la Baraka ko Kedesi.

LIOLONGANJI 4:9 Iomraidhean Croise

II ASAPULO 26:18

Yu va tamalala la Soma Usiya, va popia laye vati, Hacoveko, a Usiya, oku timihila Yehova insensu, ci tiamela lika kovitunda omãla va Arone, vana va tumbikilua oku timiha insensu. Tunda vocitumãlo ci kola, momo wa lueya kuenda ka ci ku muisa ale ulamba kovaso a Yehova Suku.

LIOLONGANJI 2:14

Onyeño ya Yehova wa wengukila va Isareli, kuenje wa va eca povaka ava va va punda. Wa va landisa povaka ovanyali vavo va va ñuala, oco ka va tẽlele vali oku litamalala lovanyãli vavo.

LIOLONGANJI 4:8

Baraka wa popia laye hati, Nda ove wenda lame, ngenda. Puãi nda kuendi lame, si endi.

LIOLONGANJI 9:53

Ukai umue wa imba ewe lioku fulila kutue wa Avimeleke, lio tuiya utue.

LIOLONGANJI 9:54

Haico Avimeleke a kovonga umalehe ukuakuambata ovimaleho viaye, wa popia laye hati, Somolamo osipata yove, njipaye, sanga omanu va mopia vati, Wa ipaiwa lukãi. Oco umalehe waco wo toma olusole, yu wa fa.

I SAMUELE 2:30

Oco Yehova, haeye Suku ya Isareli, wa popia hati, Ocili, nda likuminyile okuti epata liove lepata lia so vu kala ciwa lame otembo ka yi pui. Cilo puãi Yehova hati, Nda litiulamo muẽle. Ava va sumbila ame, ovo sumbilavo, lava va membula ame, ovo va pembuiwavo.