LIOLONGANJI 3:27 - Embimbiliya - Bíblia Sagrada em Umbundu

²⁷ Eci a pitila, wa sika olumbeta volomunda via Efarimi. Va Isareli va tunda kolomunda, va loka kumue laye, leye wa va pitila kovaso.

LIOLONGANJI 3:27 Iomraidhean Croise

II SAMUELE 20:22

Ukãi yu lolondunge viaye wa enda komanu vosi. Va teta utue wa Sieva, omõla a Bikiri, kuenje vo wimbila Yoava. Eye yu wa sika olumbeta kuenje kimbo va tundako, vosi va tiukila, omunu konjo yaye, omunu konjo yaye. Yoava wa tiukila ku Soma, ko Yerusalãi.

II OLOSOMA 9:13

Oco va yayulako, yu va kuata omunu omunu onanga yaye kuenje va yi kapa vemi liolomai viaye kosikata yaño, kuenda va sika olumbeta vati, Yehu eye Soma!

NEHEMIYA 4:14

Kuenje eci nda limbuka okuti va kasi lusumba oco nda vangula lomanu vanene lasongui lomanu vosi, siti, Ko ka va yokokeli. Ivaluki Yehova okuti onene, haeye o kola, oco wu yakeliko vamanjene lomãla vene valume lomãla vene vakãi lakãi vene lolonjo viene.

YEHOSUA 17:15

Yehosua wa popia lavo hati, Nda wa lui, kuenje olomunda via Efarimi vio sukateleli enene, lamaneli vesisi, lipemeli ocitumalo vofeka ya va Perisi la va Refaimi.

YEHOSUA 17:18

Puãi olomunda viaco vi linga viene, ndaño vi kasi lasisi, haimo vu a pema, kuenje asukiyo ao a linga ene. Vu laika oku tundisa va Kanana, ndaño va kuete akãlu utale, ndaño muẽle va pama.

LIOLONGANJI 10:1

Kovaso ya Avimeleke, Tola, omõla a Puwa, omõla a Dodo, u Isakare, wa katuka ha popela Isareli. Wa tunga ko Siamiri, kolomunda via Efarimi.

LIOLONGANJI 17:1

Kolomunda via Efarimi kua kala ulume umue, onduko yaye Mika.

LIOLONGANJI 19:1

Koloneke viaco eci kIsareli ka kua kaile osoma, u Lewi umue wa tumala nele oyo yolomunda via Efarimi, yu wa livanjela ukama wa tunda ko Beteleme ya Yuda.

LIOLONGANJI 3:26

Osimbu va kala loku amisapo, Ehudi wa puluka. Wa pitahãla ovawe a songiwa kuenje wa tilila ko Seira.

LIOLONGANJI 5:14

KEfarimi kua tunda ava va tunga kAmaleke. Benjamini o ku kuãi, kumue lolohoka viove. Ko Makiri kua tunda olombiali, loko Sevulono kua tunda ava vambata ombueti yusongui.

LIOLONGANJI 6:34

Puãi Espiritu lia Yehova lia wila Gideone. Wa sika olumbeta, kuenje va Aviyesere va likongela, ha vo kuama.

LIOLONGANJI 7:24

Gideone wa tuma olomunga kofeka yosi ya Efarimi haiyo yolomunda, hati, Loki ka ñueleheli la va Midiane. Va sitikili polonjiva, toke ko Bete Bara, leyi ya Yordão. Oco alume vosi va Efarimi va liongolola, yu va yika polonjiva, toke ko Bete Bara, leyi ya Yordão le.

I SAMUELE 13:3

Yonatão wa ipãla kesongo lia va Filisiti una wa kala vo Givea. Va Filisiti va yeva okuti va Isareli va va katukila. Va Isareli va yeva okuti Saulu eye wa ipãla kesongo lia va Filisiti.