LIOLONGANJI 3:11 - Embimbiliya - Bíblia Sagrada em Umbundu

¹¹ Oco ofeka ya pola akuĩ akuãla kanyamo. Kuenje Otiniyele, omõla a Kenasi, wa fa.

LIOLONGANJI 3:11 Iomraidhean Croise

I ASAPULO 4:13

Omãla va Kenasi, Otiniyele la Seraya. Omãla va Otiniyele, Hatate.

NEHEMIYA 9:28

Haimo, eci va tumãla vali ciwa va kuata vali kevĩho kovaso ove. Oco ove wa va eca peka liovanyali ha va va viala. Noke, eci va pongoloka, va vilikiya kokuove kuenje wa va yeva ndaño o kasi kilu. Kuenje, ndeci ca tuwa ohenda yove, wa va yovola olonjanja via lua.

ESTER 9:22

Oloneke viaco vivalokaiwa omo ovio oloneke va Yudea va sanga epuyuko kovanyali vavo. Osãi yaco yivalokaiwa omo oyo osãi esumuo liavo lia pongoloka esanju, lokulila ndonambi kua pongoloka epuyuko. Wa handeleka okuti oloneke viaco vi linga oloneke violofesta lonjolela, haivio oloneke vioku tuma olombanjaile omunu lomunu loku eca oviali kolosuke.

YEHOSUA 11:23

Oco Yehosua wa kuata ofeka yosi, ndeci cosi Yehova a popele la Mose. Yehosua wa yeca ndocipiñalo ku va Isareli, epata lepata lonepa yalio. Kuenje ofeka ya pola, ka mua kaile vali ovita.

YEHOSUA 15:17

Otiniyele, omõla a Kenasi, manja a Kalembe, eye wa li kuata. Kuenje wa wiha omõlaye Akisa ha lingi ukãi waye.

LIOLONGANJI 3:10

Espiritu lia Yehova lio wila, kuenje wa tetuluila Isareli. Wa tunda oku yaka, kuenje Yehova wa eca peka liaye Kusiana Risiatayimi. Soma ya Mesopotamia. Wa yula Kusiana Risiatayimi.

LIOLONGANJI 3:12

Va Isareli va linga vali eci cĩvi kovaso a Yehova. Kuenje Yehova wa pamisa Egilone, Soma ya Moavi, ha katukila va Isareli, momo va linga eci cĩvi kovaso a Yehova.

LIOLONGANJI 3:30

Oco eteke liaco, Moavi wa pokuisua leka lia Isareli. Kuenje ofeka ya pola anyamo akui ecẽlãla.

LIOLONGANJI 3:9

Eci va Isareli va vilikiya ku Yehova, Yehova wa katuila va Isareli upopeli, kuenje wa va popela. Eye Otiniyele, omõla a Kenasi, manja a Kalembe.

LIOLONGANJI 5:31

Oco ovanyali vove vosi, a Yehova, va takevo ndoco. Puãi ava va ku sole va linge ndekumbi pokutunda kualio longusu. Kuenje ofeka ya pola akuĩ akuãla kanyamo.

LIOLONGANJI 8:28

Oco va Midiane va pokuisilua kovaso a va Isareli. Ka va petuile vali utue. Kuenje koloneke via Gideone ofeka ya pola akuĩ akuãla kanyamo.