LIOLONGANJI 20:5 - Embimbiliya - Bíblia Sagrada em Umbundu

⁵ Alume va Givea va ñatukila. Onjo nda kala va yi ñuala ocingonja uteke. Va si oku njipa, ukama wange va pekela laye, yu wa fa.

LIOLONGANJI 20:5 Iomraidhean Croise

OVISILA 18:24

Ko ka livĩhĩsi lovina evi viosi, momo olofeka evi ñasi loku tundisa kovaso ene ovio ovina va livĩhĩsa lavio.

ESINUMUĨLO 22:21

oco va tundisile ufeko kepito lionjo ya isiaye, lalume vovimbo liavo vo sosola lovawe toke o fa, momo wa linga cĩvi ku Isareli, wa lingila ukahonga vonjo ya isiaye; oco o yelisa evĩho pokati kene.

ESINUMUĨLO 22:24

oco kavali kavo vu va tundisila kepandavelo limbo liaco, kuenje vu va sosola lovawe toke va fa. Ufeko vu sosola momo ka litetelele vimbo. Vu sosola ulume momo wa sepula ukãi wukuavo; oco o yelisa evĩho pokati kene.

YEHOSUA 7:15

Kuenje u o sangiwa leci ca siñaliwa o yokiwa londalu, eye kumue leci cosi a kuete. Momo wa lueyela ocisila ca Yehova kuenda wa linga ekutisasõi kIsareli.

LIOLONGANJI 19:22

Osimbu va kala loku sanjuisa ovitima viavo, tala, alume vovimbo, vakuevĩho, va ñuala onjo ocingonja, loku totola kepito. Va popia la sekulu, mueleonjo, vati, Tundisila posamua ulume una weya vonjo yove, ha tu u kũlĩha.

LIOLONGANJI 19:28

Wa popia laye hati, Pasuka, tu ende. Puãi eye ka tambuluile. Oco wo kapa kocimbulu. Ulume wa katuka, yu wa enda konjo yaye.

LIOLONGANJI 20:4

U Lewi, veya ukãi wa pondiwa, wa kumbulula hati, Ndeya ko Givea ya Benjamini, ame lukama wange, ha tu lalako.