LIOLONGANJI 20:34 - Embimbiliya - Bíblia Sagrada em Umbundu

³⁴ Ekui liolohulukãi vialume va noliwa kIsareli yosi, va katukila Givea, kuenje ocilunga ca tokota. Puãi va Benjamini ka va kũlĩhile okuti va laika oku mõla owima.

LIOLONGANJI 20:34 Iomraidhean Croise

YOVI 21:13

Oloneke viavo vi pita loku salala. Va lokila konjembo lombembua.

OLOSAPO 29:6

Ukuevĩho o kuatiwa lonjanjo yevĩho liaye muẽle; puãi ukuesunga imbaimba ovisungo haeye o yolela.

OLOSAPO 4:19

Onjila yolondingaĩvi ya soka ndowelema. Ka vi lete eci vi lipunduka laco.

UKUNDI 9:12

Momo omunu ka kũlĩhĩle eteke liaye. Ndeci olosi vi kuatiwila vowanda ũvi, pamue olonjila vi kuatiwila vonjanjo, haico omãla vomanu va kuatiwa keteke lĩvi eci ci va kupukila ocipikipiki.

ISAYA 47:11

Puãi evĩho li ku wila, kuenje evĩho liaco oku ku liupa ndaño vakuakutãha vove ka va ci tẽla. Ohali layovo yi ku wila kuenje ku tẽla oku yi liteyuila. Okunyolẽha ku ku sanga ocipikipiki, kuenje ove ku kũlĩha ndomo o tẽla oku lipopela.

MATEO 24:44

Oco liangiliyi, momo Mõlomanu iya owola ka wa simili.

LUKA 21:34

Lilavi sanga ovitima viene vi vulua lelelele luholua kuenda ovikele viokomuenyo wokilu lieve, kuenje eteke liaco liu wili ocipikipiki ndulivi.

I VA TESALONIKE 5:3

Eci omanu va kasi loku linga vati, Tua kolapo, tu kasi lombembua, oco okunyõleha ocipikipiki kuiya kokuavo, ndeci olongembia viya ku o misi. Oku puluka ka ku kala.

YEHOSUA 8:14

Eci Soma ya Hai a ci mõla, oco alume va Hai va yayulako, yu va katuka ociteketeke, kuenje va tundila oku liyaka la va Isareli. Soma kumue lomanu vaye vosi va enda oko va limbile onumbi, oku panda ketapi. Eye puãi ka kũlĩhile okuti wa lavekelua vonutula konyima yimbo.

LIOLONGANJI 20:35

Yehova wa kunduila Benjamini kovaso a Isareli. Kuenje eteke liaco, va Isareli va kundula olohũlũkãi akuĩ avali lavitãlo locita calume. Vosi yavo vakualosipata.