LIOLONGANJI 20:27 - Embimbiliya - Bíblia Sagrada em Umbundu

²⁷ Va Isareli va puliliya ku Yehova, momo koloneke viaco ocikasa covisila via Suku oko ca kala.

LIOLONGANJI 20:27 Iomraidhean Croise

II SAMUELE 7:6

Sia la kala vonjo tunde keteke ndopa va Isareli ke Egito toke ketali lilo. Puãi pokuñualañuala kuange, ombalaka oyo ya linga onjo yange yoku kala.

ISAYA 59:1

Tala, eka lia Yehova ka lia tepulukile okuti ka li tẽla oku popela, ndaño etui liaye ka lia sitikilue okuti ka li tẽla oku yeva;

YEREMIYA 7:12

Puãi, kaliye, kuendi ko Silo, kuna nda tungisilile tete onduko yange onjo, ka limbuki eci nda lingila omanu vange va Isareli omo eviho liavo lia luile.

ATENDELO 27:21

Yehosua iya oku pula kocitunda Eleasa. Eleasa u pulila ku Yehova onimbu yu Urimi. Yehosua lowiñi wosi wa va Isareli va pokola kondaka ya Eleasa, ci kale ondaka yoku tunda, ci kale ondaka yoku iñila.

YEHOSUA 18:1

Va Isareli vosi va liongoluila ko Silo, kuenje oko va tamuluila ombalaka yoku ñualehela la Yehova. Ofeka ya pokola kokuavo.

LIOLONGANJI 1:1

Kovaso yokufa kua Yehosua, va Isareli va puliliya ku Yehova, vati, Pokati ketu helie o fetikako oku katukila va Kanana ha liyaki lavo?

LIOLONGANJI 20:18

Va Isareli va katuka, va lamanela ko Betele, yu va puliliya ku Yehova, vati, Pokati ketu helie o fetikako oku yaka la va Benjamini? Yehova wa popia hati, Yuda eye o fetikako.

LIOLONGANJI 20:23

Va Isareli va enda, yu va lilila kovaso a Yehova toke koñolosi. Va puliliya ku Yehova, vati, Tuenda vali oku yaka la vamanjetu va Benjamini, ale? Kuenje Yehova hati, Va katukili.

LIOLONGANJI 20:28

Koloneke viaco, Finehase, omõla a Eleasara, omõla a Arone, eye wa vumba vumba kovaso yocikasa. Va puliliya vati, Tu tunda vali oku yaka la vamanjetu va Benjamini, ale tu liwekapo? Yehova wa popia hati, Katuki, momo hela ndi va eca povaka ene.

I SAMUELE 10:3

Oco ove wenda ño toke o pitila ko carvalho ya Tavore. Oko o ñualẽhẽla lalume vatatu va kasi loku lamana ku Suku ko Betele, umue wambata otuhombo tutatu, ukuavo olombolo vitatu, ukuavo ocipa covinyu.