LIOLONGANJI 20:26 - Embimbiliya - Bíblia Sagrada em Umbundu

²⁶ Oco va Isareli vosi kumue lomanu vosi, va lamana, yu veya ko Betele. Oko va lilila loku kala kovaso a Yehova. Eteke liaco va likandangiya okulia toke koñolosi. Va lumbila kovaso a Yehova ovilumba vioku pia elisi lovilumba viombembua.

LIOLONGANJI 20:26 Iomraidhean Croise

EFETIKILO 28:19

Yu wa luka onduko yusenge waco hati, Betele, puãi onduko yimbo liaco kefetikilo ya kaile Lusi.

II SAMUELE 3:35

Omanu vosi veya ku Daviti. Vo pilika oku lia ombolo osimbu kuli utanya. Daviti puãi wa lisinga hati, Suku a ci niuwile loku vandekako nda ndi maha kombolo pamue cimue cikuavo toke ekumbi liñila.

II ASAPULO 20:3

Oco Yehosafata wa yokoka kuenje wa likapela oku sanda Yehova, yu wa handeleka vo Yuda yosi oku likandangiya okulia.

ESERA 8:21

Oco kekulo liolui Ahava oko nda handelekela oku likandangiya okulia okuti tu liketisa kovaso a Suku yetu loku likutilila okuti o tu ilikila onjila yocili omu tu endela, etu lomãla vetu lovikuata vietu.

YEREMIYA 36:9

Kunyamo watãlo wa Yehoyakimi, omõla a Yosiya, Soma ya Yuda, kosãi yecea, oco omanu vosi vovo Yerusalãi, kuenda omanu vosi va tunda kovaimbo oko Yuda loku iya ko Yerusalãi, va tukula eteke lioku likandangiya okulia kovaso a Yehova.

YOELI 1:14

Kolisi oloneke vioku likandangiya okulia. Laleki ohongele. Ongoluili akulu lolonungi viosi viofeka vonjo ya Yehova Suku yene. Vilikiyi Yehova.

YEHOSUA 24:1

Yehosua wongoluila ko Sekeme apata osi a va Isareli, yu wa kovonga akulu va va Isareli, lasongui vavo, lolonganji viavo la vakesongo vavo. Kuenje va liongoluila kovaso a Suku.

YEHOSUA 7:6

Yehosua wa tola uwalo waye, wa tuvika ocipala caye posi kovaso yocikasa ca Yehova, toke koñolosi, eye kumue lakulu va Isareli. Va litaila eve kovitue viavo.

LIOLONGANJI 20:18

Va Isareli va katuka, va lamanela ko Betele, yu va puliliya ku Yehova, vati, Pokati ketu helie o fetikako oku yaka la va Benjamini? Yehova wa popia hati, Yuda eye o fetikako.

LIOLONGANJI 20:23

Va Isareli va enda, yu va lilila kovaso a Yehova toke koñolosi. Va puliliya ku Yehova, vati, Tuenda vali oku yaka la vamanjetu va Benjamini, ale? Kuenje Yehova hati, Va katukili.

LIOLONGANJI 20:25

Keteke liavali va Benjamini va va tundila ko Givea, yu va kupuila posi ca soka ekui lecẽlala kolohũlũkãi vialume va Isareli, vosi yavo vakualosipata.

LIOLONGANJI 21:2

Omanu veya ko Betele, kuenje va kala kovaso a Suku toke koñolosi. Va kaluka loku lila calua.

LIOLONGANJI 21:4

Hẽla liaco, omanu va pasuka ociteketeke. Va tungilako utala, kuenje va lumba ovilumba vioku pia elisi lovilumba viombembua.

I SAMUELE 11:4

Eci olomunga vieya ko Givea, kimbo lia Saulu, oco va sapula ondaka yaco komanu vosi, kuenje omanu vosi va lia ca lua.

I SAMUELE 7:6

Oco vongolokela vo Misipa. Va tapa ovava kuenje va a itila kovaso a Yehova. Va likandangiya okulia eteke liaco kuenje va popia vati, Tua lingila Yehova ekandu. Samuele wa linga onganji ya va Isareli ko Misipa.