LIOLONGANJI 20:25 - Embimbiliya - Bíblia Sagrada em Umbundu

²⁵ Keteke liavali va Benjamini va va tundila ko Givea, yu va kupuila posi ca soka ekui lecẽlala kolohũlũkãi vialume va Isareli, vosi yavo vakualosipata.

LIOLONGANJI 20:25 Iomraidhean Croise

EFETIKILO 18:25

Ci kole kokuove oku linga ndomo okuti wipaya ondingesunga kumosi londingaĩvi, kuenje ondingesunga londingaĩvi va lisoka; oco ci kole kokuove! Onganji yoluali luosi hẽ, ka yi lingi esunga?

EFETIKILO 49:27

Benjamini eye ombinji yepulukutu. Omẽle o lia eci ca kuatiwa, oñolosi anjela eci ca pundiwa.

OLOSAMO 97:2

Alende lowelema o ñuala. Esunga kuenda ocili ovio ociseveto cocalo caye.

HOSEA 10:9

A Isareli, tunde koloneke via Givea wa linga ekandu. Wamamako lalio. Ovita he, ka vi va sangi vo Givea?

VA ROMA 11:33

Wa longa nye! ukuasi lolondunge lukũlĩhiso wa Suku! Okutetulula kuaye ka ku kũlĩhisua, kuenda olonjila viaye ka vi moñoluiwa.

VA ROMA 2:5

Puãi, omo o kasi lutima we yuka umbinde haiwo wa siva, oco o kasi loku lisolekela onyeño, kuenje onyeño yaco o yi sanga eteke lionyeño, eci okutetulula kua Suku kuesunga ku situluiwa.

VA ROMA 3:5

Puãi, nda evĩho lietu li lekisa esunga lia Suku, tu popia nye? Ñasi loku popia ndeci ci popia popia omanu. Tu popia hẽ, tuti, Suku hokuesungako omo a tu yambula lonyeño?

LIOLONGANJI 20:21

Va Benjamini va tunda ko Givea, kuenje eteke liaco va kupuila posi ca soka akuĩ avali kolohũlũkãi vialume va Isareli.

LIOLONGANJI 20:24

Oco keteke liavali, va Isareli vamako, ha va yaki la va Benjamini.

LIOLONGANJI 20:26

Oco va Isareli vosi kumue lomanu vosi, va lamana, yu veya ko Betele. Oko va lilila loku kala kovaso a Yehova. Eteke liaco va likandangiya okulia toke koñolosi. Va lumbila kovaso a Yehova ovilumba vioku pia elisi lovilumba viombembua.